जगद्गुरु शंकराचार्य विधुशेखर भारतीद्वारा चन्द्रागिरिस्थित भालेश्वर मन्दिरमा पूजा अर्चना

News Summary

Generated by OK AI. Editorially reviewed.

दक्षिणाम्नाय शृङ्गेरी शारदा पीठका जगद्गुरु शङ्कराचार्य श्री विधुशेखर भारती महास्वामीले चन्द्रागिरिस्थित भालेश्वर महादेव मन्दिरमा पूजा अर्चना गरेका छन्।
‘धार्मिक विजय यात्रा नेपाल–२०२६’ का अवसरमा नेपाल आएका जगद्गुरु शङ्कराचार्यलाई चन्द्रागिरि हिल्सका अध्यक्ष हेमराज ढकालले स्वागत गरे।
चन्द्रागिरि भ्रमणका क्रममा जगद्गुरु शङ्कराचार्यले भालेश्वर महादेव मन्दिर परिसरमा आफूले अलौकिक अनुभूति गरेको बताए।

१२ जेठ, काठमाडौं । दक्षिणाम्नाय शृङ्गेरी शारदा पीठका जगद्गुरु शंकराचार्य श्री विधुशेखर भारती महास्वामीले चन्द्रागिरिस्थित भालेश्वर महादेव मन्दिरमा पूजा अर्चना गरेका छन् ।

‘धार्मिक विजय यात्रा नेपाल–२०२६’ को अवसरमा यहाँ आएका उनी सोमबार चन्द्रागिरि पुगेका हुन् । जगद्गुरु शङ्कराचार्य सहितका विशिष्ट पाहुनालाई चन्द्रागिरि हिल्सका अध्यक्ष हेमराज ढकाल तथा सञ्चालक, संस्थापक सहितका पधाधिकारीहरुले स्वागत गरे ।

भ्रमणका अवसरमा जगद्गुरु शङ्कराचार्यले पर्यटन क्षेत्रमा चन्द्रागिरि हिल्स उत्कृष्ट गन्तव्य बन्न पुगेको भन्दै प्रशंसा गरे । साथै चन्द्रागिरिमा अवस्थित भालेश्वर महादेव मन्दिर परिसरमा अत्यन्तै अलौकिक अनुभूति गरेको उनले बताए।

यहाँको वातावरण संस्कृति र प्राकृतिक सुन्दरताले सबैलाई लोभ्याउने उनको भनाइ छ । हरियालीले ढाकिएका डाँडाकाँडा, चिसो र शान्त मौसम तथा काठमाडौं उपत्यकाको मनोरम दृश्य हेर्दै केबलकार चढ्नु अत्यन्तै स्मरणीय अनुभव भएको उनले बताए ।