उत्तरी फिलिपिन्समा पहिरोमा परी चार जनाको मृत्यु, छ बेपत्ता

News Summary

Generated by OK AI. Editorially reviewed.

उत्तरी फिलिपिन्सको बागुइओ सहरमा गएको पहिरोमा परी चार जनाको मृत्यु भएको छ भने ६ जना अझै बेपत्ता छन्।
आइतबार साँझ गएको उक्त पहिरोमा १३ जना पुरिएकामा सात जनालाई उद्धार गरी उपचारका लागि अस्पताल पठाइएको छ।
प्रहरीका अनुसार पहिरो प्रभावित क्षेत्रका १४ परिवारका ६२ जनालाई सुरक्षित स्थानमा सारिएको छ र उद्धार कार्य निरन्तर जारी छ।

२५ साउन, मनिला (रासस/सिन्ह्वा)। उत्तरी फिलिपिन्सको बागुइओ सहरमा पहिरोले तीन घर पुरिँदा चार जनाको मृत्यु भएको छ भने ६ जना बेपत्ता भएका छन् ।

स्थानीय सञ्चारमाध्यमका अनुसार आइतबार साँझ करिब ७ बजे बागुइओको बारान्गे गुइसद सुरोङस्थित रिभरसाइड क्षेत्रमा पहिरो गएको हो । पहिरोमा १३ जना पुरिएका थिए ।

प्रहरीका अनुसार सोमबार बिहानसम्म सात जनालाई भग्नावशेषबाट उद्धार गरिएको छ । मृतकमध्ये १७ वर्षीया किशोरी, नौ वर्षका दुई बालबालिका र ५६ वर्षीय पुरुष रहेका छन् । उद्धार गरिएका तीन जनाको अस्पतालमा उपचार भइरहेको छ ।

बीचबीचमा वर्षा भइरहे पनि उद्धारकर्मीले बेपत्ताको खोजी तथा उद्धार कार्य जारी राखेका छन् ।

यसैबीच, पहिरोको जोखिममा रहेका १४ परिवारका ६२ जनालाई सुरक्षित स्थानमा सारिएको छ भने थप सात जनालाई स्थानीय गाउँको सभाहलमा राखिएको छ ।

ट्रेन्डिङ +

ताजा अपडेट +

कम बजेटमै सेलिब्रिटीजस्तो स्टाइलिस देखिन यी सजिला फेसन टिप्स

प्रेम बोल्न सजिलो छ, जिउन कठिन

१५ वर्षीय किशोर १६ दिनदेखि सम्पर्कविहीन