News Summary
Generated by OK AI. Editorially reviewed.- काठमाडौंको तारकेश्वर नगरपालिका-१० का १५ वर्षीय समिप खड्का साउन ८ गतेदेखि सम्पर्कविहीन भएका छन्।
२४ साउन, काठमाडौं । काठमाडौंको तारकेश्वर नगरपालिका–१०, मनमैजु बस्दै आएका १५ वर्षीय समिप खड्का १६ दिनदेखि सम्पर्कविहीन भएका छन् । परिवारका अनुसार उनी साउन ८ गते शुक्रबार अपराह्न करिब ४ बजे घरबाट बाहिरिएका थिए । त्यसपछि अहिलेसम्म घर फर्किएका छैनन्।
उनीसँग कुनै सम्पर्क पनि हुन सकेको छैन ।
परिवारका अनुसार समिप केही समयदेखि नियमित रूपमा घरमा आउने थिएनन् । उनी घरमा कोही नभएको समयमा दिउँसो आउने, आफूलाई मनपर्ने खाना र दिउँसै बाहिरिने गरेका थिए । साउन ७ गते बिहीबार पनि उनी घर आएको एक जना बहिनीले परिवारलाई जानकारी गराएकी थिइन् ।
लामो समयसम्म घर नफर्किएपछि आमा, बुबासहित परिवारका सदस्य चिन्तित भएका छन् । परिवारका अनुसार उनले साथीहरूसँग लुगा साटेर लगाउने गरेका कारण उनी हराएको समयमा लगाएको पोसाकबारे यकिन जानकारी दिन कठिन भएको छ । परिवारले उपलब्ध गराएको पछिल्लो जानकारीअनुसार उनी शुक्रबार रातो चेक सर्ट र खैरो ट्राउजर लगाएर घरबाट निस्किएका थिए ।
समिपको मोबाइल सम्पर्क तथा हालको अवस्थाबारे परिवारलाई कुनै जानकारी छैन । उनी कहाँ गएको हुन सक्छन् भन्नेबारे पनि परिवार अनभिज्ञ रहेका छन् ।
समिपलाई देख्ने वा उनको अवस्थाबारे कुनै जानकारी पाउने व्यक्तिलाई नजिकको प्रहरी कार्यालय वा परिवारलाई तत्काल खबर गरिदिन परिवारले आग्रह गरेको छ ।
समिप खड्काबारे जानकारी भए परिवारसँग ९७०७७९५२८४ सम्पर्क गरी खोजी कार्यमा सहयोग गरिदिन अनुरोध गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4