News Summary
Generated by OK AI. Editorially reviewed.- मन्त्री सोविता गौतमले अख्तियारको डरले कर्मचारीहरू स्पष्ट राय दिन र निर्णय गर्न हिचकिचाइरहेको बिहीबार सिंहदरबारमा बताइन्।
- उनले ‘डिसिजन प्यारालाइिसस’ का कारण सरकारी कामकारबाही ठप्प हुने र सरकारले प्रभावकारी रूपमा काम गर्न नसक्ने अवस्था सिर्जना भएको बताइन्।
- गौतमले अख्तियारलाई राजनीतिक प्रतिशोध, व्यक्तिगत रिसइबी वा कर्मचारी तर्साउने हतियारका रूपमा प्रयोग गर्न नहुने बताइन्।
४ भदौ, काठमाडौं । कानुन न्याय तथा संसदीय मामिला मन्त्री सोविता गौतमले अख्तियारको डरले कर्मचारीहरूले स्पष्ट राय दिन र निर्णय गर्न हिचकिचाइरहेको टिप्पणी गरेकी छन्।
बिहीबार सिंहदरबारमा बसेको प्रतिनिधिसभा अन्तर्गतको राज्य व्यवस्था तथा सुशासन समिति बैठकमा मन्त्री गौतमले ऐन–कानुनमा स्पष्ट लेखिएका विषयहरूमा समेत कर्मचारीहरू अख्तियारको डरले स्पष्ट राय दिन र निर्णय गर्न हिचकिचाइरहेको बताएकी हुन्।
’डिसिजन प्यारालाइिसस’ का कारण सरकारी कामकारबाही ठप्प हुने र सरकारले प्रभावकारी रूपमा काम गर्न नसक्ने जटिल अवस्था सिर्जना भएको उनले बताइन्।
मन्त्री गौतमले अख्तियारलाई राजनीतिक प्रतिशोध, व्यक्तिगत रिसइबी वा कर्मचारी तर्साउने हतियारका रूपमा प्रयोग गर्न दिन नहुने धारणा राखिन्। सत्तामा जोसुकै आए पनि संवैधानिक निकायलाई कसैलाई ’फसाउने’ वा कसैलाई ’बचाउने’ खेलको माध्यम बन्नबाट अख्तियारलाई जोगाउनुपर्ने उनको भनाइ थियो।
उनले केवल उजुरी परेको भरमा वा कसैलाई तान्ने उद्देश्यले मात्र अभियोजन गर्न नहुने भन्दै उजुरी परेपछि तथ्य र प्रमाण संकलनमा व्यापक अध्ययन गर्नुपर्ने र पर्याप्त प्रमाण पुगेपछि मात्र मुद्दा दायर गर्नुपर्ने बताइन्।
अख्तियारले आफ्नो व्यावसायिक चरित्र कायम राख्न सके सर्वसाधारण र प्रशासनको विश्वास जित्न सक्ने उनको भनाइ छ । उनले अख्तियारलाई स्वतन्त्र र निष्पक्ष राख्न सरकार प्रतिवद्ध रहेको बताइन्।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4