८ भदौ, काठमाडौं । इजरायल र सिरियाबीच पछिल्लो समय बढेको तनाव कम गर्ने प्रयासस्वरूप दुवै देशका उच्च अधिकारीबीच आइतबार भेटवार्ता भएको छ।
सिरियाका विदेशमन्त्री असाद अल–शैबानी र इजरायली गुप्तचर संस्था मोसादका निर्देशक रोमन गोफम्यानबीच भएको भेटमा पछिल्लो इजरायली हवाई आक्रमण र क्षेत्रीय सुरक्षा अवस्थाबारे छलफल भएको बताइएको छ।
यसअघि मंगलबार इजरायली वायुसेनाले उत्तरी सिरियाको अबु अल–दुहुर एयरबेसमा कम्तीमा आठ वटा बम खसालेको थियो। टर्कीको सीमाबाट करिब ४५ माइल टाढा रहेको उक्त एयरबेसमा टर्कीले ड्रोन र राडार प्रणालीसहित सैन्य पूर्वाधार विस्तार गर्न खोजेको इजरायलको दाबी छ।
टर्कीले त्यहाँ सैन्य उपस्थिति बढाउने तयारी नरोकिए कारबाही गर्ने चेतावनीसमेत इजरायलले दिएको थियो। तर सिरियाले टर्कीलाई स्थायी सैन्य बेस स्थापना गर्न दिने कुनै योजना नरहेको स्पष्ट पारेको छ।
सिरियाका विदेशमन्त्री अल–शैबानीले टर्कीका सैन्य अधिकारीहरूले आक्रमणअघि एयरबेसको भ्रमण गरेको स्वीकार गर्दै त्यो नियमित तालिम र अनुभव आदानप्रदानको हिस्सा मात्र भएको बताएका छन्।
इजरायल, सिरिया र अमेरिकाबीच भएका छलफलमा सिरियाले टर्कीलाई सैन्य आधार बनाउन नदिने प्रतिबद्धता जनाएको थियो। त्यसपछि पनि इजरायलले एयरबेसमा आक्रमण गरेको हो।
अमेरिकी दूत टम ब्याराकसहित वरिष्ठ अधिकारीहरूले इजरायल, टर्की र सिरियालाई पुनः वार्तामा फर्कन आग्रह गरेका छन्। अल–शैबानीले भने तनाव घटाउने जिम्मेवारी सबै पक्षको रहेको भन्दै सिरियामाथिको निरन्तर इजरायली सैन्य कारबाहीले सुरक्षा होइन, थप अस्थिरता निम्त्याउने चेतावनी दिएका छन्।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4