News Summary
Generated by OK AI. Editorially reviewed.- कन्दराले अमेरिकाको एट्लान्टा कन्सर्टबाट उठेको १३ हजार ६७० डलर प्रधानमन्त्री दैवी प्रकोप उद्धार कोषमा जम्मा गरेको छ।
- गायक विवेक श्रेष्ठले कन्सर्टबाट संकलित रकम भोटेकोशी बाढी पीडितका लागि प्रदान गरिएको बताए।
- कन्दराले भोटेकोशी बाढीपछि एट्लान्टा कार्यक्रमलाई ‘ट्रिब्यूट कन्सर्ट’मा बदल्दै राहत अभियान बनाएको थियो।
काठमाडौं । लोकप्रिय सांगीतिक समूह कन्दराले अमेरिकाको एट्लान्टा कन्सर्टबाट संकलित रकम प्रधानमन्त्री दैवी प्रकोप उद्वार कोषमा जम्मा गरेको छ ।
कन्सर्टबाट उठेको रकम भोटेकोशी बाढी पीडितको लागि प्रदान गरिएको जानकारी गायक विवेक श्रेष्ठले अनलाइनखबरलाई दिए ।
कन्दराले कूल १३ हजार ६७० डलर (२१ लाख रुपैयाँ) रकम प्रधानमन्त्री कोषमा प्रदान गरेको हो । कन्सर्ट सकिए लगत्तै ब्यान्डका तर्फबाट गायक श्रेष्ठले उक्त रकम प्रधानमन्त्री कोषको क्यूआरमार्फत ट्रान्सफर गरेका थिए ।
भोटेकोशी बाढीको घटनापछि ब्यान्डले एटलान्टा कन्सर्टलाई ‘ट्रिब्यूट कन्सर्ट’को रुपमा परिवर्तन गरेको थियो ।
यतिबेला कन्दरा आफ्नो ‘रिदम अफ चेन्ज’ टूरअन्तर्गत अमेरिकामा छ । यसपछि भर्जिनिया र कोलोराडोको डेनभरमा प्रस्तुति दिने तयारी छ ।
‘शोकलाई शक्तिमा, संगीतलाई सेवामा’ भन्ने भावनासहित पूर्वनिर्धारित कन्सर्टलाई राहत तथा सहयोग अभियानमा परिणत गर्ने निर्णय ब्यान्डले गरेको थियो ।
अमेरिकाबाट अनलाइनखबरसँग कुरा गर्दै विवेकले आफूहरूले देशप्रति सांगीतिक र सामाजिक उत्तरदायित्वलाई सम्झिएर पीडामा मल्हम लगाउने काम गरेको बताए । ‘हामी कलाकार हौं र कलाकारितामार्फत पीडामा मल्हम लगाउने काम गरेका हौं’ विवेकले भने ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4