News Summary
Generated by OK AI. Editorially reviewed.- सर्वोच्च अदालतको अभिलेख शाखामा आगलागी हुँदा प्रयोगविहीन कागजात र कानून पत्रिकाका कपीहरू जलेको अदालत प्रशासनले जनाएको छ।
- प्रवक्ता अर्जुन कोइरालाले विचाराधीन मुद्दाका कागजातमा कुनै क्षति नभएको र आगो अन्यत्र नफैलिएको बताउनुभयो।
- कर्मचारीहरूले नयाँ भवनको अभिलेख शाखामा बिजुलीको प्लग सर्ट भएर आगलागी भएको हुनसक्ने अनुमान गरेका छन्।
१८ भदौ, काठमाडौं । सर्वोच्च अदालतको अभिलेख शाखामा आगलागी भएको छ ।
आगलागीले ‘प्रयोगविहीन अवस्थामा राखिएका कागजातहरू जलेको’ सर्वोच्च अदालत प्रशासनले जनाएको छ ।
‘गतराति आगलागी भएको थाहा भएपछि सुरक्षाकर्मी र अदालतका कर्मचारीहरू समेत आएर दमकल बोलाई आगो निभाउने काम गर्नुभयो,’ सर्वोच्च अदालतका प्रवक्ता अर्जुन कोइरालाले भने, ‘काम नलाग्ने प्रकृतिका कागजात र कानून पत्रिकाका कपीहरू राखेको ठाँउमा आगजानी भएको हो ।’
नयाँ बनेको भवनको अभिलेख शाखामा बिजुलीको प्लग सर्ट भएर आगलागी भएको हुनसक्ने कर्मचारीहरूको अनुमान छ । आगोले विचाराधीन मुद्दाका कागजातमा कुनै क्षति नगरेको प्रवक्ता कोइरालाले बताए । उनका अनुसार, आगोले अभिलेख शाखा रहेको कोठाबाट अन्यत्र असर गरेको छैन ।
अदालतहरूले फैसला भइसकेका मुद्दा र त्यसका कागजात भण्डारण गर्न अभिलेख शाखा बनाएका हुन्छन् । निश्चित समयपछि अभिलेख शाखाबाट मुद्दाका अरू मिसिलहरू नष्ट गरी फैसलाहरू मात्रै सुरक्षित गरिन्छ । नयाँ भवन बनाउने क्रम चलिरहेकाले निर्माणाधिन अभिलेख शाखामा काम नलाग्ने र प्रयोगविहिन फाइल र कागजात मात्रै राखिएको प्रवक्ता कोइरालाले बताए ।
गत भदौ २४ को आगजनीपछि सर्वोच्च अदालतले एनेक्स भवनबाट आफ्नो काम सञ्चालन गरिरहेको छ । अहिले निर्माणाधिन भवनको एउटा भागमा इजलास र प्रशासन सरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4