News Summary
Generated by OK AI. Editorially reviewed.- अभिनेत्री सनिशा भट्टराईले आफूलाई लक्षित अनावश्यक कमेन्ट, म्यासेज र आपत्तिजनक गतिविधि तत्काल रोक्न आग्रह गरेकी छन् ।
- भट्टराईले पछिल्लो केही महिनादेखि एक व्यक्तिबाट निरन्तर यस्ता गतिविधि भइरहेको र नयाँ अकाउन्ट बनाएर पनि सम्पर्क गरिएको बताएकी छन् ।
- उनले गतिविधि नरोके डिजिटल प्रमाण सुरक्षित राखेर साइबर अपराध अनुसन्धान निकायमार्फत कानुनी प्रक्रिया अघि बढाउने चेतावनी दिएकी छन् ।
काठमाडौं । अभिनेत्री सनिशा भट्टराईले सामाजिक सञ्जालमा आफूलाई लक्षित गरी भइरहेको भनिएका अनावश्यक कमेन्ट, म्यासेज तथा आपत्तिजनक गतिविधि तत्काल रोक्न आग्रह गरेकी छन् ।
अन्यथा कानुनी प्रक्रिया अघि बढाउने उनको चेतावनी छ ।
सामाजिक सञ्जालमार्फत अपिल गर्दै भट्टराईले पछिल्लो केही महिनादेखि एक व्यक्तिबाट यस्ता गतिविधि निरन्तर भइरहेको उल्लेख गरेकी छन् । आफ्ना व्यक्तिगत अकाउन्टबाट ब्लक गरेपछि पनि पटक–पटक नयाँ अकाउन्ट बनाएर सम्पर्क र कमेन्ट गर्ने तथा आफूसँग सम्बन्धित समाचार, पोस्ट र अन्य सार्वजनिक सामग्रीमा समेत उस्तै प्रकृतिका टिप्पणी गर्ने गरिएको उनको भनाइ छ ।
विभिन्न अकाउन्ट एउटै व्यक्तिसँग सम्बन्धित हुनसक्ने देखिए पनि त्यसको वास्तविकता सम्बन्धित निकायको अनुसन्धानबाट मात्रै पुष्टि हुन सक्ने उनले स्पष्ट पारेकी छन् ।
भट्टराईले सम्बन्धित व्यक्तिलाई यस्ता गतिविधि तत्काल बन्द गर्न आग्रह गर्दै पुनः दोहोरिएमा कमेन्ट, म्यासेज, अकाउन्टलगायत डिजिटल प्रमाण सुरक्षित राखेर साइबर अपराध अनुसन्धान निकाय तथा कानुनी प्रक्रियामार्फत आवश्यक कारबाही अघि बढाउने बताएकी छन् ।
गतिविधि रोकिए विषय यहीँ समाप्त हुने, अन्यथा आफ्नो अधिकार र सुरक्षाका लागि कानुनी बाटो रोज्ने उनको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4