२०८३ भदौ २२ गते १४:४७ 
News Summary
Generated by OK AI. Editorially reviewed.- नेपाल प्रिमियर लिगको ओटीटी प्रसारण अधिकार नेटटीभीले १८ करोड ४ लाख रुपैयाँ करबाहेक कबुल गरेर पाएको छ।
- नेपाल क्रिकेट संघको बोलपत्रमा डीगो स्ट्रिमले १७ करोड रुपैयाँ करबाहेक प्रस्ताव गरेको थियो।
- क्यानले ओटीटी प्लेटफर्मलाई नेपालभित्र ४ सय, खाडी मुलुकमा ६ सय र अन्य मुलुकमा १० अमेरिकी डलर शुल्क लिनसक्ने अधिकार दिएको छ।
२२ भदौ, काठमाडौं । नेपाल प्रिमियर लिग (एनपीएल) को ओटीटीतर्फ प्रसारण अधिकार नेट टिभीले पाएको छ ।
सोमबार नेपाल क्रिकेट संघको कार्यालयमा बोलपत्र खोल्दा सबैभन्दा धेरै रकम कबुल गरेर नेट टिभीले सो अधिकार सुरक्षित गरेको हो । नेटटिभीले १८ करोड ४ लाख (करबाहेक) को कबुल गरेको थियो । अर्को प्रतिस्पर्धी डीगो स्ट्रिमले १७ करोड (करबाहेक) कवुल गरेको थियो ।
ओटीटीमा वर्ल्डलिंकको लगानी रहेको नेटटीभी र डीस होमको लगानी रहेको डीगो स्ट्रिम गरी दुईवटा मात्र कम्पनीले टेण्डर बुझाएका थिए ।
नेटटीभीका प्रमुख कार्यकारी अधिकृत निरन राजभण्डारीले एनपिएल प्रसारणको अधिकार जितेको स्वीकारे । ‘हामीले कवुल गरेको रकम नै सबैभन्दा धेरै छ, अब उहाँहरूले प्रक्रिया पुर्याएर इमेलबाट कर्न्फमेसन दिन्छौं भन्नुभएको छ’ राजभण्डारीले अनलाइनखबरसँग भने ।
नेपाल क्रिकेट संघले ओटीटीमा नेपालभित्रबाट करसहित अधिकतम ४ सय रुपैयाँ, खाडी मुलुकहरुबाट ६ सय रुपैयाँ र अन्य मुलुकबाट १० अमेरिकी डलर शुल्क लिएर ग्राहक बनाउनसक्ने अधिकार ओटीटी प्लेटफर्मलाई दिएको छ ।
प्रतिक्रिया 4