News Summary
Generated by OK AI. Editorially reviewed.- प्रेमकथामा आधारित फिल्म ‘माया बस्छ कि के हो !’ को ३ मिनेटको ट्रेलर युट्युबमा सार्वजनिक भएको छ ।
- राजु अधिकारी निर्देशित फिल्म २ असोजदेखि प्रदर्शनमा आउने तयारीमा छ ।
- विदेशमा अध्ययन र रोजगारीका लागि गएका युवायुवतीको प्रेम, समर्पण र मतभेदको कथा फिल्ममा समेटिएको छ ।
काठमाडौं । प्रेमकथामा आधारित फिल्म ‘माया बस्छ कि के हो !’ को ट्रेलर युट्युबमा सार्वजनिक भएको छ । ३ मिनेट रनटाइमको ट्रेलरमा डेब्यू अभिनेता सोनाल लामा र कस्मता निरौलालाई प्रमुुखतासँग फिचर्ड गरिएको छ ।
राजु अधिकारी निर्देशित फिलम २ असोजदेखि प्रदर्शन तयारीमा छ । युरोपेली मुलुकका रमणीय थलोमा छायांकन गरिएका दृश्य ट्रेलरमा राखिएको छ ।
अध्ययन तथा रोजगारीका लागि विदेशिएका युवायुवतीको प्रेम सम्बन्ध, समर्पण र मतभेदको कथा समावेश छ । कथासँगै चरित्र चित्रणको झल्को पनि ट्रेलरले दिन्छ ।
युरोपको बेल्जियम, स्विटजरल्यान्ड, नेदरल्यान्ड्स लगायतका मुलुकमा फिल्म खिचिएको छ । शरद अधिकारी निर्माता रहेको फिल्मका लगानीकर्ता बहादुरसिंह तामाङ हुन् ।
आरती अधिकारीको कथा र मौनता श्रेष्ठको पटकथा तथा संवाद रहेको फिल्मको दृश्य सम्पादन रामप्रसाद चौधरीले गरेका हुन् । जनपुकार मिडिया हाउसको ब्यानरमा निर्मित फिल्मका छायांकन रवीन्द्र बराल हुन् ।
गीतमा अर्जुन पोखरेलको संगीत, कमल राई र रामजी लामिछानेको नृत्य निर्देशन छ । ‘माया बस्छ कि के हो’ मा सोनाल र कस्मताका साथमा नरेन्द्र थापा, उपेन्द्र थापा, बेनी ढुंगाना, सब्बु पौडेल, तारा शर्मा, हरिकृष्ण कार्की, तेजेन्द्र कँडेल, ऋचा थापा, खिन्नबहादुर भण्डारीको अभिनय छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4