News Summary
Generated by OK AI. Editorially reviewed.- धनकुटाको साँगुरीगढी-७ फेदीमा प्रहरीले १ हजार २४० दशमलव ६ किलोग्राम गाँजासहित ना.४ ख ५२७ नम्बरको ट्रक नियन्त्रणमा लिएको छ।
- गए राति कोशी लोकमार्गमा चेकजाँचका क्रममा चालक ट्रकबाट हाम फालेर फरार भएका थिए।
- जिल्ला प्रहरी कार्यालय धनकुटाले फरार चालकको खोजी भइरहेको र गाजा ओसारपसारविरुद्ध निगरानी तीब्र बनाइएको जनाएको छ।
२४ भदौ, धनकुटा । धनकुटामा प्रहरीले ठूलो परिमाणमा लागूऔषध गाँजासहित ट्रक बरामद गरेको छ ।
प्रहरीले १ हजार २४० दशमलव ६ किलोग्राम गाँजा बरामद गरेको हो । गए राति साँगुरीगढी गाउँपालिका वडा नं. ७ फेदीस्थित कोशी लोकमार्गमा चेकजाँचका क्रममा गाँजासहितको ट्रक नियन्त्रणमा लिइएको जिल्ला प्रहरी कार्यालय धनकुटाका सुचना अधिकारी हेमन्त भण्डारी क्षेत्रीले जानकारी दिए ।
सशस्त्र प्रहरी बल नेपाल विपद् व्यवस्थापन बेस मुलघाटबाट खटिएको टोलीले धनकुटाबाट भेडेटारतर्फ जाँदै गरेको ना.४ ख ५२७ नम्बरको ट्रक चेकजाँचका लागि रोकेको थियो । तर, प्रहरी टोलीले ट्रक रोक्न संकेत गर्ने क्रममा चालकले अचानक ट्रकबाट हाम फालेर फरार भएको प्रहरीले जनाएको छ ।
चालकको व्यवहार शंकास्पद लागेपछि सशस्त्र प्रहरीले नेपाल प्रहरीको प्रहरी चौकी मुलघाटको टोलीलाई बोलाएर ट्रकको खानतलासी गर्दा ठूलो परिमाणमा लागूऔषध गाँजा फेला पारेको शसस्त्र प्रहरी बल नम्बर ६ गुल्म धनकुटाका प्रमुख डिएसपी राजेश फुयलले जानकारी दिए ।
गाँजा फेला परेपछि प्रहरीले ट्रकसहित गाँजा नियन्त्रणमा लिएर जिल्ला प्रहरी कार्यालय धनकुटामा ल्याएको छ । जिल्ला प्रहरी कार्यालयमा नापतौल गर्दा गाँजाको कुल तौल १ हजार २ सय ४० दशमलव ६ किलोग्राम रहेको प्रहरीले जनाएको छ । यसैबीच, ट्रकबाट हाम फालेर फरार भएका चालकको खोजी भइरहेको जिल्ला प्रहरी कार्यालय धनकुटाले जनाएको छ ।
पछिल्लो समय कोशी लोकमार्ग अन्तरगत धनकुटा खण्ड हुँदै ठूलो परिमाणमा गाँजा ओसारपसार भइरहेको सूचनाका आधारमा प्रहरीले निगरानी तथा चेकजाँचलाई तीब्र बनाउँदै आएको जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4