२४ भदौ, काठमाडौं । रसुवाको भोटेकोशी क्षेत्रमा आएको बाढीपछिको खोज, उद्धार, प्रारम्भिक पुनरुत्थान तथा क्षति र आवश्यकताको द्रुत आकलनबारे अर्थ मन्त्रालयले स्थानीय विकास साझेदारहरूसँग बैठक गरेको छ ।
अर्थ मन्त्रालयमा बुधबार सम्पन्न बैठकमा विभिन्न देशका राजदूत, नियोग प्रमुख तथा अन्तर्राष्ट्रिय विकास साझेदार संस्थाका प्रतिनिधिहरू सहभागी थिए ।
बैठकमा बाढीपछिको उद्धार तथा राहतको अवस्था, प्रारम्भिक पुनर्स्थापना, द्रुत विपद् आवश्यकता आकलन र क्षति मूल्यांकनका विषयमा समीक्षा गरिएको अर्थ मन्त्रालयले जनाएको छ ।
कार्यक्रममा माल्दिभ्स, नेपाल र श्रीलंकाका लागि डिभिजन निर्देशक डेभिड एन. सिस्लेनले ग्लोबल र्यापिड पोस्ट–डिजास्टर ड्यामेज इस्टिमेट प्रतिवेदनका मुख्य निष्कर्ष प्रस्तुत गरेका थिए ।
खुला छलफलमा विकास साझेदारहरूले पुनर्निर्माण, पुनर्स्थापना र प्रभावित समुदायको दीर्घकालीन उत्थानका लागि आवश्यक सहयोग तथा सहकार्यबारे धारणा राखेका थिए ।
अर्थमन्त्री डा. स्वर्णिम वाग्लेले राष्ट्रिय योजना आयोग, राष्ट्रिय विपद् जोखिम न्यूनीकरण तथा व्यवस्थापन प्राधिकरण र विश्व बैंकले गरेको द्रुत क्षति तथा नोक्सानी मूल्यांकनको प्रशंसा गरेका थिए ।
उनले प्रधानमन्त्री दैवी प्रकोप उद्धार कोषमा गरिने प्रत्यक्ष योगदान तत्काल राहत तथा प्रारम्भिक पुनर्स्थापनाका लागि प्रशासनिक लागतबिना सोझै प्रभावित तथा पीडित तहसम्म पुग्नेमा जोड दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4