News Summary
Generated by OK AI. Editorially reviewed.- भैरहवाको कालिंगा क्यासिनोमा जुवा खेल्ने पाँच नेपालीसहित ६ जनालाई प्रहरीले बिहीबार साँझ पक्राउ गरेको छ।
- सिद्धार्थनगर नगरपालिका–१० स्थित क्यासिनोमा नेपालीलाई प्रवेश गराएर जुवा खेलाइएको सूचनाका आधारमा लुम्बिनी प्रदेश प्रहरी कार्यालयको टोलीले छापा मारेको हो।
- पक्राउ पर्नेमा क्यासिनोका म्यानेजरसहित नारायण घर्ती, रोशन केसी, सुदीप आचार्य, रामु श्रेष्ठ, चन्द्रनारायण श्रेष्ठ र भारतीय नागरिक पारस भाटिया छन्।
२६ भदौ, काठमाडौं । भैरहवाको कालिंगा क्यासिनोमा जुवा खेल्ने पाँच नेपालीसहित ६ जनालाई प्रहरीले पक्राउ गरेको छ ।
लुम्बिनी प्रदेश प्रहरी कार्यालयबाट खटिएको टोलीले बिहीबार साँझ ६ जनालाई पक्राउ गरेको हो । सिद्धार्थनगर नगरपालिका–१० मा रहेको उक्त क्यासिनोमा नेपालीहरुलाई प्रवेश गराएर जुवा खेलाउने गरेको सूचनाका आधारमा प्रहरीले छापा मारेको थियो ।
सो क्रममा क्यासिनोका म्यानेजरसहित ६ जनालाई पक्राउ गरिएको लुम्बिनी प्रदेश प्रहरी कार्यालयका डीआईजी भुपेन्द्र खत्रीले बताए ।
पक्राउ पर्नेहरुमा म्याग्दीको बेनी नगरपालिका–७ का ४८ वर्षीय नारायण घर्ती, पोखराका ४७ वर्षीय रोशन केसी, पोखराकै ३९ वर्षीय सुदीप आचार्य, बुटवलका ४६ वर्षीय रामु श्रेष्ठ, बुटवलकै ३६ वर्षीय चन्द्रनारायण श्रेष्ठ र क्यासिनोका पिट म्यानेजर भारतीय नागरिक २५ वर्षीय पारस भाटिया छन् ।
पक्राउ परेकाहरुलाई वडा प्रहरी कार्यालय भैरहवामा राखेर अनुसन्धान अघि बढाइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4