News Summary
Generated by OK AI. Editorially reviewed.- बागमती प्रदेशमा नेपाली कम्युनिस्ट पार्टीकी रमा आले मगर कृषिमन्त्री नियुक्त भएकी छिन् र उनले प्रदेश प्रमुख दीपकप्रकाश देवकोटासमक्ष शपथ ग्रहण गरेकी छिन्।
- उनले यसअघि शालिकराम जमकट्टेल नेतृत्वको सरकारमा युवा तथा खेलकुद मन्त्रीको जिम्मेवारी सम्हालेकी थिइन्।
- बागमती सरकारमा ७ मन्त्रालय छन् र भागबण्डाअनुसार एमाले, नेकपा र राप्रपाले समान रूपमा मन्त्रालय लिएका छन्।
१ असोज, हेटौंडा । बागमती प्रदेशमा नेपाली कम्युनिस्ट पार्टी (नेकपा)बाट रमा आले मगर कृषिमन्त्री नियुक्त भएकी छिन् ।
उनले केहीबेरअघि प्रदेश प्रमुख दीपकप्रकाश देवकोटासमक्ष शपथ ग्रहण पनि गरेकी छिन् । उनी यसअघि शालिकराम जमकट्टेल नेतृत्वको सरकारमा युवा तथा खेलकुद मन्त्री थिइन् ।
बागमती सरकारमा नेकपाको भागमा परेको दुई वटा मन्त्रालयमध्ये नेकपा माओवादी केन्द्र पृष्ठभूमिका सरल सहयात्री पौडेल आर्थिक मामिला तथा योजना मन्त्री बनेपछि अर्काे मन्त्रालय तत्कालीन नेकपा (एकीकृत समाजवादी) अर्थात माधव नेपाल पक्षले पाएको थियो ।
नेकपा एमाले, नेकपा र राष्ट्रिय प्रजातन्त्र पार्टी (राप्रपा)को संयुक्त बागमती सरकारमा मुख्यमन्त्री तथा मन्त्रिपरिषद्को कार्यालय बाहेक ७ वटा मन्त्रालय रहेको छ । यसअघि ४ भदौमा ६ जना मन्त्री नियुक्त गरिएको थियो । जसमा आन्तरिक मामिला, कानुन तथा सहकारी र कृषि मन्त्रालय रिक्त थियो । एमालेका ज्ञानबहादुर तामाङलाई विना विभागीय मन्त्री नियुक्त गरिएको थियो ।
सरकारमा भागबण्डाअनुसार एमालेले मुख्यमन्त्रीसहित ३ वटा, नेकपालाई प्रदेशसभाको सभामुखसहित ३ वटा र राप्रपाले ३ वटा मन्त्रालय लिएका हुन । सरकारमा नेकपाबाट सरल सहयात्री आर्थिक मामिला, एमालेबाट भरत केसी भौतिक पूर्वाधार, राप्रपाबाट गिरबहादुर तामाङ स्वास्थ्य तथा सामाजिक, राजु विष्ट खानेपानी, ऊर्जा तथा सिँचाइ तथा राजेन्द्र प्रजापति उद्योग, पर्यटन, श्रम तथा यातायात मन्त्री छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4