यस्ता छन् मन्त्रिपरिषद् बैठकका मुख्य निर्णयहरू

News Summary

Generated by OK AI. Editorially reviewed.

मन्त्रिपरिषद् बैठकले रिक्त १३ देशका लागि नेपाली राजदूत सिफारिस गरी संसदीय सुनुवाइका लागि लेखि पठाउने निर्णय गरेको छ ।
सरकारले नेपाली नागरिकता पाँचौँ संशोधन नियमावली, २०८३ स्वीकृत गरेको छ ।
मन्त्रिपरिषद्ले नेपाल मौसम विभागलाई ऊर्जा, जलस्रोत तथा सिंचाई मन्त्रालयअन्तर्गत राख्ने र नेपाल विद्युत् प्राधिकरणको कार्यकारी निर्देशकमा दीर्घायु कुमार श्रेष्ठलाई नियुक्त गर्ने निर्णय गरेको छ ।

३ असोज, काठमाडौं । मन्त्रिपरिषद् बैठकका मुख्य निर्णयहरू सार्वजनिक भएका छन् । सरकारका प्रवक्ता एवं शिक्षामन्त्री सस्मित पोखरेलले सरकारका मुख्य निर्णयहरू सुनाएका हुन् ।

दिउँसो प्रधानमन्त्री तथा मन्त्रिपरिषद् कार्यालयमा मन्त्रिपरिषद् बैठक बसेको थियो ।

उक्त बैठकले रिक्त रहेका १३ देशका राजदूतसहित सिफारिस गर्ने लगायतका अन्य निर्णयहरू गरेको छ ।

यस्ता छन् निर्णयहरू–

–देहायका व्यक्तिहरूलाई तपसिल बमोजिमका मुलुकहरूमा नेपाली राजदूतको पदमा नियुक्तिका लागि सिफारिस गर्ने र संसदीय सुनुवाइका लागि संसदीय सदनसमक्ष लेखि पठाउने ।

१. डा. निश्चलनाथ पाण्डे — भारत

२. डा. कल्याणराज शर्मा — चीन

३. चिरनजंग थापा –संयुक्त राज्य अमेरिका

४. पूर्वप्रधानसेनापति गौरव शम्शेर जंगबहादुर राणा — संयुक्त अधिराज्य (यूके)

५. जिज्ञान कुमार थापा – जापान

६. सुरेशकुमार कर्ण – इजरायल

७. प्राप्ति शेरचन – स्पेन

८. शरू जोशी — जर्मनी

९. डा. पद्माक्षी राणा — ओमान

१०. चूडामणि खरेल — मलेसिया

११. प्रा. डा. सङ्गम श्रेष्ठ — दक्षिण कोरिया

१२. डा. मंचला झा — श्रीलंका

१३. गिरीबहादुर सुनार — साउदी अरेबिया

–नेपाली नागरिकता पाँचौँ संशोधन नियमावली, २०८३ स्वीकृत गर्ने ।

–साविकमा कृषि, वन तथा पर्यावरण मन्त्रालय अन्तर्गत रहेको नेपाल मौसम विभागलाई ऊर्जा, जलस्रोत तथा सिंचाई मन्त्रालय अन्तर्गत राहनेगरी नेपाल सरकार कार्यविभाजन नियमावली २०८३ संशोधन गर्ने ।

–नेपाल विद्युत् प्राधिकरणको रिक्त कार्यकारी निर्देशक पदमा दीर्घायु कुमार श्रेष्ठ, काठमाडौंलाई नियुक्त

–सहसचिव रुद्रसिंह तामाङलाई राजपत्रांकृत विशिष्ट श्रेणीको सचिव पदमा बढुवा गर्ने ।