News Summary
Generated by OK AI. Editorially reviewed.- सांसद प्रेमबहादुर बयकले विदेशी भुक्तानी सेवा प्रदायकको नेपाल आगमनले आर्थिक क्षेत्रमा नयाँ अवसर सिर्जना गर्ने बताएका छन्।
- उनले ‘भुक्तानी तथा फर्छ्यौट (पहिलो संशोधन) विधेयक, २०८३’ मा विदेशी सेवा प्रदायकलाई बजार प्रवेश गराउने प्रावधानलाई सकारात्मक भनेका छन्।
- बयकले पुँजी पलायन, साइबर सुरक्षा, विदेशी विनिमय सञ्चिति र स्वदेशी कम्पनीको संरक्षणमा सरकार थप सजग हुनुपर्नेमा जोड दिए।
७ असोज, काठमाडौं । नेपाली कम्युनिष्ट पार्टीका सांसद प्रेमबहादुर बयकले विदेशी भुक्तानी सेवा प्रदायकहरूको नेपाल आगमनले आर्थिक क्षेत्रमा नयाँ अवसर सिर्जना गर्ने बताएका छन् ।
प्रतिनिधि सभाको बुधवारको बैठकमा ‘भुक्तानी तथा फर्छ्यौट (पहिलो संशोधन) विधेयक, २०८३’ माथि सैद्धान्तिक छलफलमा भाग लिँदै उनले यस्तो बताएका हुन् । उनले पुँजी पलायन, साइबर सुरक्षा र स्वदेशी कम्पनीको संरक्षणमा सरकार थप सजग हुनुपर्नेमा जोड दिए ।
सांसद बयकले विश्वव्यापी रूपमा फैलिएको आर्थिक सञ्जाल र डिजिटल भुक्तानीको बढ्दो प्रभावलाई मध्यनजर गर्दै विधेयकले विदेशी सेवा प्रदायकलाई बजारमा प्रवेश गराउने प्रावधान ल्याउनु सकारात्मक कदम भएको बताए । यसले प्रविधि हस्तान्तरण र बजारमा स्वस्थ प्रतिष्पर्धाको वातावरण सिर्जना गर्ने उनको अपेक्षा छ ।
उनले विधेयकका केही प्राविधिक पक्षहरूमा गम्भीर प्रश्न उठाए । विशेषगरी विदेशी कम्पनीहरूले आर्जन गर्ने मुनाफा फिर्ता लैजाँदा मुलुकको विदेशी विनिमय सञ्चितिमा पर्न सक्ने प्रभावप्रति उनले चिन्ता व्यक्त गरे ।
बढ्दो डिजिटल वित्तीय अपराधलाई रोक्न कडा कानूनी प्रावधान आवश्यक रहेको औंल्याउँदै उनले स्वदेशी कम्पनीहरूलाई विदेशी दिग्गजहरूसँग प्रतिष्पर्धा गर्न सक्षम बनाउन सरकारले संरक्षणमुखी नीति लिनुपर्ने आवश्यकतामा जोड दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4