१२ असोज, विराटनगर । विराटनगरमा खुद्रा पसल सञ्चालन गर्ने चिनियाँ नागरिक पक्राउ परेका छन् ।
सोमबार नेपाली नागरिकको नाममा पसल दर्ता गरी व्यवसाय सञ्चालन गर्दै आएकी महिला लि जोसिज्याकलाई प्रहरीले नियन्त्रणमा लिएको हो ।
यसअघि ८ असोजमा विराटनगरको सेन्ट्रल मलमा ६ वटा सटरमा सञ्चालनमा रहेको ‘योनो मार्ट’का सञ्चालक जिङ्सियान सिएलाई पक्राउ गरेको थियोे ।
विराटनगर महानगरपालिका–२ मा रहेको ’एभरपिक सप्लायर्स’ मा सोमबार गरिएको अनुगमनका क्रममा नेपाली नागरिकको नाममा दर्ता रहेको पसलबाट चिनियाँ नागरिकले कस्मेटिक तथा घरायसी सामग्रीको व्यापार गरिरहेको भेटिएपछि नियन्त्रणमा लिएको प्रहरीले जनाएको छ ।
यो पसल सामाजिक सञ्जालमा १६० पसलको नामले चर्चित थियो ।
वाणिज्य, आपूर्ति तथा उपभोक्ता संरक्षण कार्यालय, आन्तरिक राजस्व कार्यालय र जिल्ला प्रशासन कार्यालय मोरङको संयुक्त टोलीले उक्त पसलमा आकस्मिक अनुगमन गर्दा राधिका बस्नेत कार्कीको नाममा दर्ता भए पनि सम्पूर्ण व्यापारिक गतिविधि चिनियाँ नागरिक लि जोसिज्याकले सम्हाल्दै आएको भेटिएको थियो ।
खुद्रा पसल सञ्चालन गरेको भेटिएपछि नियन्त्रणमा लिएको मोरङ प्रहरीका प्रवक्ता प्रहरी नायब उपरीक्षक मकेन्द्रकुमार मिश्रले जानकारी दिए । थप कारबाहीका लागि अध्यागमन विभाग पठाउने तयारी भइरहेको उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4