News Summary
Generated by OK AI. Editorially reviewed.- नवलपरासी पश्चिमको सुनवल नगरपालिका–४ स्थित सगरमाथा होटलमा खाद्य स्वच्छता तथा सरसफाइ कमजोर पाइएको अनुगमन प्रतिवेदनले देखाएको छ ।
- भान्सामा बासी खानेकुरा, फोहोर खानेपानीको स्रोत र खानामा प्रयोग हुने काठ तथा फलामका टुक्रा भेटिएको विभागले जनाएको छ ।
- विभागले सुधारका काम पूरा नभएसम्म होटल सञ्चालन नगर्न र ३० दिनभित्र कार्यालय तथा वडा कार्यालयलाई जानकारी गराउन निर्देशन दिएको छ ।
४ कात्तिक, काठमाडौं । नवलपरासी पश्चिमको सुनवल नगरपालिका–४ स्थित सगरमाथा होटलमा खाद्य स्वच्छता तथा सरसफाइको अवस्था कमजोर पाइएको छ ।
भान्सामा बासी खानेकुरा भेटिनुका साथै खानेपानीको स्रोतसमेत फोहोर रहेको अनुगमन प्रतिवेदनले देखाएको छ ।
खाद्य प्रविधि तथा गुण नियन्त्रण विभागअन्तर्गतको खाद्य प्रविधि तथा गुण नियन्त्रण कार्यालय, भैरहवा र खाद्य प्रविधि तथा गुण नियन्त्रण डिभिजन कार्यालय, कपिलवस्तुलाई विभागले दिएको निर्देशनअनुसार अनुगमन गर्दा होटलमा विभिन्न कैफियत भेटिएका हुन् ।
विभागका अनुसार होटलमा खानामा प्रयोग हुने काठ र फलामका टुक्रासमेत भेटिएका थिए । होटलको सरसफाइको अवस्था निकै कमजोर रहेको, खानेपानीको स्रोत फोहोर ठाउँमा रहेको र भान्सामा आवश्यक सामग्री अव्यवस्थित रूपमा राखिएको पाइएको प्रतिवेदनमा उल्लेख छ ।
अनुगमनका क्रममा होटल बन्द अवस्थामा रहेकाले सुनवल नगरपालिका–४ का वडा अध्यक्षको पहलमा होटल खोली निरीक्षण गरिएको थियो । निरीक्षणपछि होटल सञ्चालकलाई भान्सा पूर्ण रूपमा सफा गर्न, अनावश्यक सामग्रीको उचित व्यवस्थापन गर्न तथा खानेपानीको स्रोत सफा राख्न निर्देशन दिइएको विभागले जनाएको छ ।
विभागले तोकिएका सुधारका काम पूरा नभएसम्म होटल सञ्चालन नगर्न र निर्देशनअनुसार होटलको रूपान्तरण गरी ३० दिनभित्र खाद्य प्रविधि तथा गुण नियन्त्रण कार्यालय, भैरहवा र सुनवल नगरपालिका–४ को वडा कार्यालयलाई जानकारी गराउन भनेको छ ।
खाद्य स्वच्छता तथा गुणस्तर ऐन, २०८१ बमोजिम कारबाही गरिएको जानकारीसमेत विभागले दिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4