News Summary
Generated by OK AI. Editorially reviewed.- दसैंपछिको पहिलो कारोबार दिन नेप्से परिसूचक ४.३४ अंक घटेर २६२९ अंकमा झरेको छ।
- सोमबार ९९ कम्पनीको मूल्य बढ्दा १७१ को घट्यो, र कारोबार रकम ४ अर्बबाट घटेर ४ अर्बमा सीमित भयो।
- उत्पादन तथा प्रशोधन र व्यापार समूह क्रमशः १.०३ र १.११ प्रतिशत बढे, बेनी हाइड्रोपावरको मूल्य १५ प्रतिशत उकालो लाग्यो।
९ कात्तिक, काठमाडौं । दसैंअघि लगातार ७ कारोबार दिनसम्म बढेको सेयर बजार दसैंपछिको पहिलो कारोबार दिन घटेको छ ।
सोमबार नेप्से परिसूचक ४.३४ अंक घटेको हो । यो अंकको कमीपछि नेप्से २६२९ अंकमा कायम भएको छ । ९९ कम्पनीको मूल्य बढ्यो भने १७१ को घट्यो । त्यस्तै ६ कम्पनीको मूल्य स्थिर रह्यो ।
कारोबार रकम घटेको छ । यसअघि ४ अर्ब ८८ करोडको कारोबार भएकोमा आज ४ अर्बको भएको छ ।
आज उत्पादन तथा प्रशोधन र व्यापार समूहमा भने आकर्षण देखिएको छ । उत्पादन तथा प्रशोधन समूह १.०३ तथा व्यापार १.११ प्रतिशत बढे । व्यापार समूहको विशाल बजार कम्पनीको मूल्य १.४१ प्रतिशत बढ्दा यो समूह बढेको हो । विशाल बजार र साल्ट ट्रेडिङ गरी जम्मा २ कम्पनी यो समूहमा पर्दछन् । पूँजीकरण उच्च भएकाले विशाल बजारले नै समग्र समूहलाई प्रभाव पार्दछ ।
त्यस्तै सिमेन्ट कम्पनीहरूको मूल्यवृद्धिले उत्पादन तथा प्रशोधन समूहलाई उचाल्यो । हालै सूचीकृत बेनी हाइड्रोपावरको मूल्य सबैभन्दा धेरै १५ प्रतिशत बढ्यो ।
त्यस्तै माथिल्लो मैलुङखोला जलविद्युतको ५.८१, सोनापुर सिमेन्टको ५.०७, सगरमाथा जलविद्युत् कम्पनीको ४.७२, घोराही सिमेन्टको ४.४७, सानिमा मिडिल तमोरको ३.८४, सानिगढ हाइड्रोको ३.७८ प्रतिशत मूल्य बढ्यो ।
चिरख्वा हाइड्रोपावरको मूल्य सबैभन्दा धेरै ७.९२ प्रतिशत घट्यो । महिला लघुवित्त वित्तीय संस्थाको ७.५७, गुराँस लघुवित्तको ५.८१, एसियन हाइड्रोपावरको ४.३४, अपोलो हाइड्रोपावरको ४.१६, शुभम् पावरको ४.११ प्रतिशत मूल्य घट्यो ।
आज धेरै कारोबार भएका कम्पनीमा घलेम्दी हाइड्रोपावर, शिवम् सिमेन्ट, माउन्टेन इनर्जी, ग्रिन भेन्चर्स, हिमालयन डिस्टिलरी, अपि पावर, सानिमा बैंक, सानिमा मिडिल तमोर क्रमशः अगाडि रहे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4