News Summary
Generated by OK AI. Editorially reviewed.- नेपाल वायुसेवा निगमको साउदी अरबस्थित जीएसए अवधि सकिएर नवीकरण नहुँदा साउदी स्टेसनको उडान निरन्तरतामा प्रश्न उठेको छ ।
- अल फेसलिया मोडर्न एभिएसनले नोभेम्बरभरि मात्रै काम गर्ने र १ डिसेम्बरदेखि सेवा दिन नसक्ने इमेलमार्फत नेवानिलाई जानकारी गराएको छ ।
- साउदीमा साताको एक उडान रहेको र पछिल्ला चार उडान रद्द भएकाले सयौँ नेपालीको यात्रा अन्योलमा परेको छ ।
१६ कात्तिक, काठमाडौं । नेपाल वायुसेवा निगम (नेपाल एयरलाइन्स) व्यवस्थापनको लापरबाहीले साउदी अरबको निरन्तर उडान अन्योलमा पर्ने देखिएको छ ।
साउदीमा नेपाल एयरलाइन्सले नियुक्त गरेको जनरल सेल्स एजेन्ट (जीएसए) को अवधि सकिएको र नवीकरण नभएका कारण अब साउदी स्टेसनको उडान निरन्तरतामा प्रश्न उठेको छ ।
निगम स्रोतका अनुसार साउदीमा अल फेसलिया मोडर्न एभिएसन नेपाल एयरलाइन्सको जीएसएका रूपमा काम गरिरहेको छ । जीएसएको नवीकरण ३१ जुलाईमा भइसक्नुपर्ने थियो ।
तर, निगम व्यवस्थापनको बेवास्ताका कारण विद्यमान जीएसएको नवीकरण हुन सकेको छैन भने नयाँ जीएसएस समेत नियुक्ति प्रक्रिया अगाडी बढेको छैन ।
नवीकरण नभएपछि विद्यमान जीएसएले अब निगमका लागि निरन्तर काम गर्न नसक्ने जानकारी इमेल मार्फत नेवानिलाई गराएको छ ।
कम्पनीले नोभेम्बरभरि काम गर्ने र १ डिसेम्बरदेखि काम गर्न नसक्ने स्पष्ट पारेको छ । यो कम्पनी ५ वर्षका लागि नियुक्त भएको थियो । जसको अवधि गत जुलाईमा सकिएको हो ।
जीएसले स्थानीय सेल्स, मार्केटिङ, कानुनी प्रक्रियाका काम गर्छ । साथै, सम्बन्धित देशको नियामक निकायसँग समन्वय समेत गर्छ । कर्मचारीका भिसा प्रक्रियामा समेत जीएसएले सहयोग गर्छ ।
साउदी नेपाली कामदार अत्यधिक रहेको श्रम गन्तव्य देश हो । यहाँ ५ लाख हाराहारी नेपाली कार्यरत रहेको अनुमान छ । तर, राष्ट्रिय ध्वजावाहकले यस गन्तव्यमा प्राथमिकता साथ आफ्नो उपस्थिति देखाउन सकेको छैन ।
यहाँ साताको एक उडान राखिएको छ । पछिल्लो समय साउदीमा जारी द्वन्द्वबीच पछिल्ला चार उडान रद्द भइसकेका छन् । यसले सयौँ नेपालीको यात्रा अन्योलमा परेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4