१९ कात्तिक, काठमाडौं । तमोर कोरिडोरअन्तर्गत सुनसरीको मूलघाटदेखि सुभाङ गणेशचोकसम्मको सडकखण्ड कालोपत्रे गर्ने काममा ठेकेदार कम्पनीले ढिलाइ गरेपछि सडक विभागले ठेक्का किन नतोड्ने भनेर प्रश्न गरेको छ ।
सडक विभागको उत्तर–दक्षिण व्यापारिक मार्ग विस्तार आयोजना निर्देशनालयअन्तर्गत चतरा–मूलघाट–सुभाङखोला सडक योजना धरान सुनसरीले ठेक्का सम्झौताअनुसार काम सम्पन्न नगरेको भन्दै ठेकेदार कम्पनीलाई १५ दिने स्पष्टीकरण सोधेको हो ।
तमोर कोरिडोर सडक योजनाको उक्त खण्ड स्तरोन्नति गरी कालोपत्रे गर्ने ठेक्का एम/एस एपेक्स कन्स्ट्रक्सन कम्पनी प्रालि, मैतीदेवी, काठमाडौंले पाएको थियो ।
योजनाले आज जारी गरेको सूचनामा पटक–पटक मौखिक तथा लिखित जानकारी गराउँदा पनि निर्माण व्यवसायीले लामो समयदेखि सम्झौताबमोजिम काममा प्रगति नगरेको र काम सम्पन्न गर्नेतर्फ तदारुकता नदेखाएकाले स्पष्टीकरण माग गरेको उल्लेख छ ।
आयोजनाले सार्वजनिक खरिद ऐन, २०६३ को दफा ५९ तथा सार्वजनिक खरिद नियमावली, २०६४ को नियम १२८ को उपनियम (२) र ठेक्का सम्झौतामा उल्लिखित व्यवस्थाअनुसार कारबाही प्रक्रिया अघि बढाउने चेतावनी दिएको छ ।
निर्धारित १५ दिनभित्र सम्झौताअनुसार काम सम्पन्न नगरेमा वा काममा भएको ढिलाइबारे चित्तबुझ्दो लिखित स्पष्टीकरण नदिएमा ठेक्का अन्त्य गर्ने प्रक्रिया अघि बढाइने सूचनामा उल्लेख छ ।
योजनाले निर्माण व्यवसायीलाई अन्तिम अवसर दिँदै आधिकारिक प्रतिनिधिमार्फत कार्यालयमा उपस्थित भई काम सम्पन्न गर्नेतर्फको प्रतिबद्धता र ढिलाइ हुनुको कारणसहित लिखित स्पष्टीकरण पेस गर्न भनेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4