२१ कात्तिक, धनकुटा । तिहारको अवसरमा धनकुटाको ऐतिहासिक निशान भगवती मन्दिर परिसर झिलिमिली बत्तीले सिंगारिएपछि धनकुटाको रात्रिकालीन दृश्य नै फेरिएको छ ।
रंगीबिरंगी बत्तीको उज्यालोले मन्दिर परिसर र सडक क्षेत्र झकिझकाउ बनेसँगै साँझपख घुमफिर गर्ने, फोटो खिच्ने र टिकटक बनाउनेहरुको चहलपहल बढेको छ । परिचयमोडदेखि मन्दिर परिसर हुँदै ५२ ढोका भएको घरसम्मको सडक झिलिमिली बत्तीले सिंगारिएको हो ।
तिहारको रमझमसँगै उज्यालो बनेको यस क्षेत्रमा साँझ पर्नासाथ सर्वसाधारणको भिड लाग्न थालेको छ । मन्दिर परिसर आसपास परिचयमोड हुँदै ५२ ढोकासम्म जडान गरिएका बत्तीले सडक र आसपासको क्षेत्रलाई आकर्षक बनाएका छन् ।
बत्तीको उज्यालोमा रमाउन, तस्वीर खिच्न र भिडियो बनाउन युवायुवतीको विशेष आकर्षण देखिएको छ । साँझपख बालबालिकादेखि ज्येष्ठ नागरिकसम्म परिवारसहित घुमफिर गर्न आउने गरेका छन् ।
तिहारलाई लक्षित गर्दै स्थानीय युवाहरूको सक्रियतामा दाताहरुबाट आवश्यक रकम संकलन गरी मन्दिर परिसर र सडक क्षेत्रमा आकर्षक झिलिमिली बत्ती जडान गरिएको हो ।
चाडपर्वका बेला धनकुटा बजारलाई थप आकर्षक बनाउने र स्थानीय बासिन्दालाई साँझपख रमाइलो गर्ने वातावरण तयार गर्ने उद्देश्यले युवाहरुले पहल गरेका हुन् । बत्ती जडान तथा व्यवस्थापनका लागि नेपाली सेना र ट्राफिक प्रहरीले समेत सहयोग गरेका छन् ।
तस्वीरहरू : ईश्वर थापा/अनलाइनखबर
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4