News Summary
Generated by OK AI. Editorially reviewed.- अष्ट्रेलियाको वोलोंगोंग इलावारा क्षेत्रमा नेपाली समुदायले तिहार विशेष देउसी–भैलो कार्यक्रम भव्य रूपमा मनाएको छ।
- कार्यक्रममा नेपाली लोकगीत, दोहोरी र आधुनिक लाइभ म्युजिक प्रस्तुत हुँदै सहभागीले नाचगान र शुभकामना आदानप्रदान गरेका थिए।
- एमसीसीआईका प्रमुख कार्यकारी अधिकृत क्रिसले इलावारामा नेपाली समुदायसँग सहकार्य गर्ने प्रतिबद्धता व्यक्त गर्नुभयो।
अष्ट्रेलिया । अष्ट्रेलियाको वोलोंगोंगस्थित इलावारा क्षेत्रमा बसोबास गर्ने नेपालीहरूले देउसी भैलो मनाएका छन् । वोलोंगोंग इलावारा नेपाली समुदायको आयोजनामा तिहार विशेष देउसी–भैलो कार्यक्रम भव्य रूपमा सम्पन्न भएको हो ।
नेपाली कला, संस्कृति, परम्परा र मौलिक पहिचानको संरक्षण तथा प्रवर्द्धन गर्ने उद्देश्यले आयोजित कार्यक्रममा नेपालीहरूको उल्लेख्य सहभागिता रहेको थियो ।
कार्यक्रममा नेपाली लोकगीत, दोहोरी तथा आधुनिक लाइभ म्युजिकका प्रस्तुतिले सहभागीलाई मनोरञ्जन प्रदान गरेका थिए । नेपालीहरू गीतसंगीतमा रमाउँदै, नाच्दै र गाउँदै तिहारको उत्सवमा सहभागी भए ।
उनीहरूले एकआपसमा शुभकामना आदानप्रदान गर्दै नेपाली संस्कृति र परम्परालाई सामूहिक रूपमा मनाए ।
कार्यक्रममा एमसीसीआईका प्रमुख कार्यकारी अधिकृत क्रिसको विशेष उपस्थिति रहेको थियो ।
उनले इलावारा क्षेत्रमा नेपाली समुदायको जनसंख्या बढ्दै गएको उल्लेख गर्दै नेपाली समुदायसँग सहकार्य गरेर अघि बढ्ने प्रतिबद्धता व्यक्त गरे ।
समुदायको विकास र हितका लागि आवश्यक सहयोग गर्न आफूहरू तयार रहेको उनको भनाइ थियो ।
वोलोंगोंग इलावारा नेपाली समुदायका अध्यक्ष सञ्जीव अमगाईंले प्रवासमा रहेर पनि भाषा, कला, संस्कृति र मौलिक पहिचान जोगाउनु सबै नेपालीको साझा जिम्मेवारी भएको बताए ।
यस्ता कार्यक्रमले नेपाली समुदायबीच एकता र भाइचारा बढाउनुका साथै नयाँ पुस्तालाई नेपाली परम्परासँग जोड्ने उनले उल्लेख गरे ।
संस्थाले आगामी दिनमा पनि नेपाली संस्कृति र सामुदायिक एकताको प्रवर्द्धनका लागि विभिन्न कार्यक्रमलाई निरन्तरता दिने जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4