२५ कार्तिक, नुवाकोट । तिहारको मैझारोसँगै आएको वर्षा रोकिएपछि उत्तरी हिमश्रृंखला खुलेका छन् । भाइटीका सकिँदै गर्दा बुधबार दिउँसो परेको वर्षाले मौसम नुहाएपछि नुवाकोटबाट माछापुच्छ्रेदेखि जुगल हिमाल खुलस्त देखिए ।
एकैछिनको वर्षा रोकिएपछि घाम लाग्दा घमाइलो तिहारको अनुभूतिसमेत दियो ।
मौसम खुलेसँगै नुवाकोटको ककनी, शिवपुरी र बेलकोटगढीको बाघखोरबाट सेताम्मे हिमालहरूका सुन्दर दृश्य हेर्नलायक थिए । नेपालका हिमालहरूसँगै चीनको केरुङसम्मका हिमदृश्यहरू यहाँबाट अवलोकन गर्न सकिन्छ ।
नुवाकोटबाट नेपालका जुगल हिमाल, गणेश हिमाल, हिमालचुली, लाङटाङका साथै ८ हजार १५६ मिटर अग्लो मनास्लु र माछापुच्छ्रेसम्मका हिमालका दृश्य हेर्न सकिन्छ ।
यसका अतिरिक्त काठमाडौं उपत्यकाबाट पनि हेर्न सकिने दोर्जे लाक्पा, फुर्बी ग्याल्त्सो र गौरीशंकरजस्ता हिमालहरू पनि नुवाकोटबाट प्रस्टै देखिन्छन् ।
यस्तै, तिब्बततर्फ पर्ने विश्वको १४ औं अग्लो (८ हजार २७ मिटर) आशापुरी हिमाल पनि यहाँबाट हेर्न सकिन्छ ।
दसैँपछि तुँवालोले मौसम धुमिल बनाएपछि केहीदिन हिमाल देख्न पाइएको थिएन । तर, भाइटीकाको दिन परेको वर्षाले तिहारको बिदाइलाई रोमाञ्चक बनाएको छ ।
तस्वीरहरू : रामहरि गजुरेल/अनलाइनखबर
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4