News Summary
Generated by OK AI. Editorially reviewed.- धनगढी उपमहानगरपालिका–१५ ज्योति आयल स्टोर नजिक मोटरसाइकल र स्कुटी ठोक्किँदा स्कुटी चालक ३५ वर्षीया सुशीला बमको मृत्यु भएको छ।
- दुर्घटनामा मोटरसाइकल चालक प्रवीण चौधरी, उनकी श्रीमती अञ्जली, छोरी ममता तथा स्कुटीमा सवार सरोज मल्ल र बबिता मल्ल घाइते भएका छन्।
- जिल्ला प्रहरी कार्यालयले दुवै सवारीसाधन नियन्त्रणमा लिएर घटनाबारे थप अनुसन्धान गरिरहेको जनाएको छ।
२७ कात्तिक, धनगढी । धनगढीमा मोटरसाइकल र स्कुटी एकआपसमा ठोक्किंदा एक महिलाको मृत्यु भएको छ भने पाँच जना घाइते भएका छन्।
धनगढी उपमहानगरपालिका–१५ ज्योति आयल स्टोर नजिकै बिहीबार साँझ करिब ७ बजेतिर फूलबारीतर्फ जाँदै गरेको से४प ४५८५ नम्बरको मोटरसाइकल र विपरीत दिशाबाट आउँदै गरेको सुपप्र ०२००३प ८१५५ नम्बरको स्कुटी एकआपसमा ठोक्किएका थिए।
दुर्घटनामा गम्भीर घाइते भएकी स्कुटी चालक धनगढी-५ तारानगर बस्ने ३५ वर्षीया सुशीला बमको मृत्यु भएको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक कैलाश बिष्टले बमको उपचारका क्रममा शुक्रबार बिहान माया मेट्रो अस्पतालमा मृत्यु भएको जानकारी दिए।
उनकाअनुसार दुर्घटनामा अन्य पाँच जना घाइते भएका छन् । घाइते हुनेमा मोटरसाइकल चालक धनगढी–१४ का २६ वर्षीय प्रवीण चौधरी, उनकी २२ वर्षीया श्रीमती अञ्जली चौधरी र ७ वर्षीया छोरी ममता चौधरी रहेका छन् ।
यस्तै, स्कुटीमा सवार २४ वर्षीय सरोज मल्ल र २२ वर्षीया बबिता मल्ल पनि घाइते भएका छन् । उनीहरुको अवस्था सामान्यदेखि मध्यम रहेको छ। दुवै सवारीसाधन प्रहरीले नियन्त्रणमा लिएर घटनाबारे थप अनुसन्धान गरिरहेको जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4