News Summary
Generated by OK AI. Editorially reviewed.- भारत, चीन र इजरायलका लागि प्रस्तावित डा. निश्चलनाथ पाण्डे, डा. कल्याणराज शर्मा र सुरेशकुमार कर्णको अग्रिमो सम्बन्धित मुलुकबाट प्राप्त भएको छ।
- संसदीय सुनुवाइ समितिले उनीहरूको नाम अनुमोदन गरेपछि सरकारले राजदूतका लागि अग्रिमो पठाएको थियो।
- राष्ट्रपतिले नियुक्त गरेपछि उनीहरूले सम्बन्धित मुलुकमा राजदूतका रूपमा कार्यभार सम्हाल्नेछन्, जबकि सात देशबाट अग्रिमो आउन बाँकी छ।
२७ कात्तिक, काठमाडौं । भारत, चीन र इजरायलका लागि प्रस्तावित राजदूतहरूको सम्बन्धित मुलुकले अग्रिमो पठाएका छन् । संसदीय सुनुवाइ समितिले नाम अनुमोदन गरेपछि सरकारले राजदूतहरूको नाम अग्रिमोका लागि पठाएको थियो ।
परराष्ट्र मन्त्रालय स्रोतका अनुसार १० जना प्रस्तावित राजदूतहरूको नाम पठाएकोमा शुक्रबारसम्म तीन देशका राजदूतको अग्रिमो प्राप्त भइसकेको छ ।
भारतका लागि डा. निश्चलनाथ पाण्डे, चीनका लागि डा. कल्याणराज शर्मा र इजरायलका लागि सुरेशकुमार कर्ण राजदूतका लागि संसदीय सुनुवाइबाट अनुमोदन भएका थिए ।
सम्बन्धित मुलुकले अग्रिमो पठाएपछि अब उनीहरूलाई राजदूत नियुक्तिको बाटो खुलेको छ । राष्ट्रपतिले अब उनीहरूलाई नियुक्त गरेपछि सम्बन्धित मुलुकमा कार्यभार सम्हाल्न जानेछन् । स्रोतका अनुसार सोमबारसम्ममा उनीहरूको नियुक्ति हुने सम्भवाना छ ।
प्रधानमन्त्रीको भारत भ्रमण हुने मिति पनि नजिकिएकाले त्यसको तयारीका लागि राजदूत आवश्यक पर्छ । त्यसैले अग्रिमो आइसकेका राजदूतलाई चाँडै नियुक्ति गर्ने तयारी छ ।
अमेरिका, बेलायत, जर्मनी लगायतका सात देशबाट राजदूतहरूको अग्रिमो आउन बाँकी छ । अग्रिमो कुनै पनि राजदूत पठाउने निश्चित भएपछि सम्बन्धित देशले उक्त व्यक्तिलाई राजदूतका लागि स्वीकृति दिने प्रक्रिया हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4