+
+
Shares

सिन्धुली दुर्घटनाका ७ घाइतेलाई हेलिकप्टरमार्फत् काठमाडौं लगियो

सिन्धुलीको गोलन्जोर गाउँपालिका–७ पलासेस्थित बीपी राजमार्गमा माइक्रोबस दुर्घटनामा घाइते १४ मध्ये ७ जनालाई थप उपचारका लागि सेनाको हेलिकप्टरमार्फत् काठमाडौं लगिएको छ ।

अनलाइनखबर अनलाइनखबर
२०८३ मंसिर १ गते १७:४५

News Summary

Generated by OK AI. Editorially reviewed.
  • सिन्धुलीको गोलन्जोर गाउँपालिका–७ पलासेस्थित बीपी राजमार्गमा माइक्रोबस सडकबाट करिब २० मिटर तल खस्दा १४ जना घाइते भएका छन् ।
  • गम्भीर घाइते ७ जनालाई सेनाको हेलिकप्टरमार्फत् थप उपचारका लागि काठमाडौं लगिएको एसपी रवीन्द्रबहादुर सिंहले जानकारी दिए ।
  • बाँकी ७ जना घाइतेको शुभजीवन अस्पताल खुर्कोटमा उपचार भइरहेको छ, र ५ जनाको विवरण खुल्न बाँकी छ ।

१ मंसिर, काभ्रेपलाञ्चोक । सिन्धुलीको गोलन्जोर गाउँपालिका–७ पलासेस्थित बीपी राजमार्गमा माइक्रोबस दुर्घटनामा घाइते १४ मध्ये ७ जनालाई थप उपचारका लागि सेनाको हेलिकप्टरमार्फत् काठमाडौं लगिएको छ ।

सिन्धुलीका प्रहरी प्रमुख एसपी रवीन्द्रबहादुर सिंहले गंभीर घाइते ७ जनालाई उद्धार गरि थप उपचारका लागि हेलिकप्टरमार्फत् काठमाडौं पठाइएको जानकारी दिए ।

मंगलबार दिउँसो जनकपुरबाट काठमाडौं आउँदै गरेको म प्र ०४–००१ ज ०२४३ नम्बरको माइक्रोबस अनियन्त्रित भई सडकबाट करिब २० मिटर तल अधेँरी खोलाको बगरमा खसेर दुर्घटना भएको प्रहरीले जनाएको छ ।

दुर्घटनामा गाडीमा सवार १४ जनामध्ये सबै घाइते भएका छन् । बाँकी ७ जना घाइतेहरुको शुभजीवन अस्पताल खुर्कोटमा उपचार भइरहेको छ । घाइतेमध्ये ९ जनाको विवरण खुलिसकेको छ भने ५ जनाको विवरण खुल्न बाँकी रहेको छ ।

यी हुन् काठमाडौं पठाइएका घाइतेहरू
– नामथर वतन नखुलेका एक पुरुष, अवस्था गम्भीर
– धनुषा जनकनन्दिनी गाउँपालिका-९ बिर्ताका सीता यादव, अवस्था गम्भीर
– सीता यादवकै छोरा १४ वर्षका पियुस गोहित, अवस्था गभ्भीर
– ३ वर्षका ओम साह, अवस्था गम्भीर-
– धनुषा शहीदनगर नगारपालिका- ७ का प्रिन्स साह, अवस्था गम्भीर
– धनुषा शहीदनगर नगारपालिका- ७ का श्यामबहादुर मण्डल, अवस्था गम्भीर
– धनुषा जनकनन्दिनी गाउँपालिका-२३ का दीपेन्द्र यादव, अवस्था मध्यम

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?