नेपाल र क्यानडाबीचको पहिलो एक दिवसीय आज

२१ असार, काठमाडौं । क्यानडा भ्रमणमा रहेको नेपालले आज घरेलु टोलीसँग पहिलो एक दिवसीय खेल खेल्दै छ । खेल नेपाली समय अनुसार राति पौने ९ बजे सुरु हुनेछ ।

यो खेल क्यानडाको किङग सिटीमा रहेको मेपल लिफ क्रिकेट मैदानमा हुनेछ ।

यसअघि ओन्टारियो क्लबसँग खेलको दुई वटै अभ्यास खेल नेपालले जितेको थियो । दोश्रो एक दिवसीय खेल बुधबार हुने छ

आईसीसी क्रिकेट विश्वकप लिग टूमा स्कटल्याण्ड र नामिबियासँगको त्रिकोणात्मक शृंखला खेल्नु अघि अभ्यासका लागि नेपाली टिम क्यानडा गएको हो ।

क्यानडामा दुई वटा खेलको एक दिवसीय शृंखला खेलेर नेपाल उतैबाट स्कटल्याण्ड जाने छ । जहाँ उसले स्कटल्याण्डसँग दुई र नामिबियासँग दुई गरी चार वटा खेल खेल्ने छ ।

नेपाल १६ खेलमा ७ मा जित, ८ मा हार र १ खेल टाईका साथ १५ अंक जोड्दै पाँचौं स्थानमा रहेको छ ।

लिग टू अंक तालिका :