२३ असार, काठमाडौं । नेकपा एमालेको संसदीय दलको बैठक जारी छ । बैठकमा एमाले संसदीय दलका नेता एवम् पार्टी अध्यक्ष केपी शर्मा ओलीले कांग्रेससँग भएको सत्ता साझेदारीको विषयमा सांसदहरुलाई जानकारी गराएका छन् ।
एमाले प्रमुख सचेतक महेश बर्तौलाले कांग्रेस र एमालेबीच सत्तासाझेदारी गर्ने समझदारी भएअनुरुप भावी योजनाबारे छलफल गर्न बैठक बसिरहेको बताए ।
एमालेले माओवादी केन्द्रसँगको सत्ता समीकरण तोड्दै नेपाली कांग्रेससँग गठबन्धन गरेको छ । यी प्रमुख दुई दलबीच यही असार १७ गते सत्ता साझेदारीको समझदारी भएको थियो ।
कांग्रेसको कार्यसम्पादन समिति र संसदीय दलको बैठकले एमालेसँग भएको समझदारीलाई अनुमोदन गरिसकेको छ । आज एमालेले पनि त्यस्तै खालको निर्णय गर्ने बताइएको छ ।
एमालेले समर्थन फिर्ता लिँदै सरकारबाट बाहिरिएपछि अल्पमतमा परेका प्रधानमन्त्री प्रचण्डले आगामी २८ गते विश्वासको मत लिँदै छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4