२० चैत, काठमाडौं । काठमाडौं महानगरपालिका–६ कपनस्थित तेन्जिङचोकमा आगलागीमा परेर एक महिलाको मृत्यु भएको छ । सुनसरीको बराहक्षेत्र नगरपालिका–२ घर भएकी १८ वर्षीया मुमेन तामाङको आगलागीमा परेर मृत्यु भएको प्रहरीले जनाएको छ ।
तामाङ तेन्जिङचोकस्थित राजेश चन्द्र गिरीको घरमा डेरा गरेर बस्ने गरेकी थिइन् ।
बुधबार साँझ करिब साढे ५ बजेको समयमा उनको कोठामा आगलागी भएको थियो । लगत्तै उनलाई उद्धार गरेर प्रहरीले उपचारका लागि चाबहीलस्थित ओम अस्पताल पुर्याएको थियो ।
उपचारको क्रममा उनको ६ बजेर २० मिनेटमा मृत्यु भएको प्रहरीले जनाएको छ ।
उक्त घरमा लागेको आगो नियन्त्रणमा आइसकेको छ । आगलागीको कारण खुलिसकेको छैन । घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
सम्बन्धित खबर
ट्रेन्डिङ
Advertisment
प्रतिक्रिया 4