सगरमाथा बेस क्याम्पमा कांग्रेस महामन्त्री विश्वप्रकाश शर्मा

News Summary

Generated by OK AI. Editorially reviewed.

नेपाली कांग्रेस महाममन्त्री विश्वप्रकाश शर्माले सगरमाथा आरोहण गर्ने योजना बनाएका छन्।
पर्यटन विभागले उनलाई आरोहण अनुमति दिएको पुष्टि गरेको छ।
अहिले धेरै आरोहीहरू सगरमाथाको चुचुरोमा पुगिरहेका छन्।

१ जेठ, काठमाडौं । नेपाली कांग्रेस महाममन्त्री विश्वप्रकाश शर्मा सर्वोच्च शिखर सगरमाथाको बेसक्याम्प पुगेका छन् । महामन्त्री शर्मा स्वयंले सामाजिक सञ्जालबाट आफू सगरमाथा आधार शिविर पुगेको जानकारी दिएका छन् ।

उनी यसअघि पनि लुबुचे हिमाल पुगिसकेका छन् । सगरमाथा आरोहणका लागि कम्तीमा ५ हजार फिट अग्लो हिमाल चढिसकेको व्यक्ति हुनुपर्नेछ । उनले सो भन्दा पनि अग्लो हिमाल चढिसकेकाले पर्यटन विभागले सगरमाथा आरोहण अनुमति पत्र पनि दिइसकेको छ ।

निर्देशक हिमाल गौतमका अनुसार महामन्त्री शर्माले सगरमाथा आरोहण अनुमति प्राप्त गरेका हुन् ।

आधार शिविरबाट अनलाइनखबरसँग कुरा गर्दै उनले भने, ‘म सगरमाथा आरोहणका लागि योग्य भएको अनुमति पत्र प्राप्त व्यक्ति हुँ । यो पटक आधार शिविरसम्म आइपुगेको छु । कति सम्म पुग्न सकिन्छ हेरौं ।’

बजेट प्रस्तुत हुनुअघि आफू संसद्‌मा उपस्थित हुनुपर्ने भएकाले यो पटक सगरमाथाको चुचुरोमै पुग्न सकिन्छ वा सकिँदैन भन्ने यकिन नभइसकेको उनी बताउँछन् ।

अहिले आरोहीहरू धमाधम सगरमाथा चुचुरो पुगिरहेका छन् । बुधबार मात्र ४० भन्दा धेरै आरोही चुचुरो पुगेका थिए ।