नारायणघाट–बुटवल सडक दाउन्ने बाहेक खण्डमा एकतर्फी कालोपत्र

News Summary

Generated by OK AI. Editorially reviewed.

काठमाडौंमा महेन्द्र राजमार्ग अन्तर्गत नारायणघाट–बुटवल सडकखण्डको ९३.९४ किलोमिटर क्षेत्रमा एकतर्फी कालोपत्र सम्पन्न भएको छ।
सडकको ९०.८७ किलोमिटर भागमा एकतर्फी कालोपत्र र पुलको ओगटाइ ११३.५३ किलोमिटर सडकको प्रगति भएको छ।
आयोजनाले जनाएको छ, अब ८३ प्रतिशत सडकमा कालोपत्र यात्रा गर्न सकिन्छ र बाँकी दाउन्ने क्षेत्रमा काम भइरहेको छ।

५ जेठ, काठमाडौं । महेन्द्र राजमार्ग अन्तर्गत नारायणघाट–बुटवल सडकखण्ड अन्तर्गत दाउन्ने खण्डबाहेक सडकमा एकतर्फी कालोपत्र भएको छ ।

योसँगै अब यो सडक खण्डको ९३.९४ किलोमिटर क्षेत्रमा पक्की सडकमा यात्रा गर्न सकिने भएको छ । कुल ११३.५३ किलोमिटर सडकमध्ये ३.०७ किलोमिटर सडक पुलले ओगटेको छ ।

९०.८७ किलोमिटर सडक भने एकतर्फी कालोपत्र सम्पन्न भएको छ । पुल र कालोपत्र गरी ९३.९४ किलोमिटर पक्की सडकमा यात्रा गर्न सम्भव भएको आयोजनाले जनाएको छ ।

आयोजनाका अनुसार यो खण्डको अब ८३ प्रतिशत सडकमा कालोपत्र यात्रा गर्न सकिने भएको छ । बाँकी खण्ड दाउन्ने क्षेत्रको हो । दाउन्नेमा अहिले कल्भर्ट निर्माणको काम अन्तिम चरणमा रहेको आयोजनाले जनाएको छ ।

कतिपय स्थानमा ढलान सडक निर्माणको काम समेत समानान्तर अगाडि बढेको आयोजनाको भनाइ छ । अहिले यो सडकको भौतिक प्रगति ६६.५० प्रतिशत छ ।