६० मिनेटभित्रै फाइनान्स स्वीकृतिमा ४.९९ प्रतिशत ब्याजदरमा ‘प्रोटोन ई–मास ७’ किन्न सकिने

News Summary

Generated by OK AI. Editorially reviewed.

जगदम्बा मोटर्सले ‘प्रोटोन ई–मास७’ का लागि ४.९९ प्रतिशत ब्याजदरको योजना सार्वजनिक गर्‍यो।
यस योजनाबाट विद्युतीय सवारीलाई सहज, सुलभ र किफायती बनाउने उद्देश्य राखिएको छ।
प्रोटोन ई–मास७ को लोकप्रियता र माग बढ्ने अपेक्षा कम्पनीले गरेको छ।

काठमाडौं । नेपालमा प्रोटोन गाडीको एकमात्र आधिकारिक वितरक जगदम्बा मोटर्सले आफ्नो विद्युतीय सवारी ‘प्रोटोन ई–मास७’ का लागि नयाँ फाइनान्स योजना सार्वजनिक गरेको छ ।

उक्त योजना अन्तर्गत अब ग्राहकले मात्रै ६० मिनेटभित्र फाइनान्स स्वीकृति पाउन सक्नेछन् र केवल ४.९९ प्रतिशत ब्याजदरमा सवारीसाधन किन्न सक्नेछन् । यो अभ्यास नेपालकै अटोमोबाइल क्षेत्रमा पहिलो पटक भएको कम्पनीले जनाएको छ ।

यस योजनाले विद्युतीय सवारीलाई अझ सहज, सुलभ र किफायती बनाउँदै प्रोटोन ई–मास७ को अपनत्वलाई जनस्तरसम्म पुर्‍याउने लक्ष्य लिएको छ ।

जगदम्बा मोटर्सले आफ्ना ग्राहक–प्रथम नीति अन्तर्गत यस्तो पहल ल्याएको हो, जसले समावेशी र दिगो मोटरिङ भविष्यतर्फ नेपाललाई अघि बढाउने विश्वास गरिएको छ ।

‘हामी नेपालमा विद्युतीय सवारीको अपनत्वलाई तीव्र बनाउन प्रतिबद्ध छौं, वित्तीय पहुँचको बाधा हटाउने र सवारी सुलभ बनाउने हाम्रो मुख्य उद्देश्य हो,’ जगदम्बा मोटर्सका वरिष्ठ उपाध्यक्ष राजु भेटवालले भने, ‘यस ६० मिनेटको फाइनान्स स्वीकृति योजना र ४.९९ प्रतिशत ब्याजदरले नेपाली उपभोक्ताहरूलाई सफा, सस्तो र सजिलो विद्युतीय सवारी रोज्न प्रेरणा दिने छ।’

प्रोटोन ई–मास७ ले पहिले नै आफ्नो प्रदर्शन, सुरक्षा र भविष्यमुखी डिजाइनका कारण लोकप्रियता कमाएको र यो नयाँ योजनासँगै यसको माग अझ बढ्ने अपेक्षा कम्पनीको छ ।