खोटाङको सावा खोलामा सवा ८ करोडमा बन्यो पुल

News Summary

Generated by OK AI. Editorially reviewed.

कोशी प्रदेशको खोटेहाङ र जन्तेढुङ्गा जोड्ने ४१.४० मिटर लामो पुलको उद्घाटन भूपेन्द्र राईले गरे।
प्राविधिक सहयोग इटहरीको रहेको पुलको निर्माण लागत ८ करोड २१ लाख ७२ हजार ८९४ रुपैयाँ हो।
पुलले दुबै पालिका बीचको प्राकृतिक नाकाबन्दी तोडिएको छ।

११ जेठ, विराटनगर । खोटाङको खोटेहाङ र जन्तेढुङ्गा जोड्ने गरी सावा खोलामा पुल निर्माण भएको छ । कोशी प्रदेश भौतिक पूर्वाधार विकास मन्त्रालयको ८ करोड २१ लाख ७२ हजार ८९४ रुपैयाँ लागतमा ४१.४० मिटर लामो पुल निर्माण भएको हो ।

उक्त पुल निर्माण गर्न प्रादेशिक सडक पुल सहयोग एकाई इटहरीले प्राविधिक सहयोग रहेको मन्त्रालयका सचिव अशोक साहले बताए ।

खोटेहाङ गाउँपालिका–७ र जन्तेढुंगा गाउँपालिका–५ जोड्ने उक्त पुल कोशी प्रदेशका भौतिक पूर्वाधार विकास एवं स्वास्थ्यमन्त्री भूपेन्द्र राईले उदघाटन गरे । पुल बनेपछि दुबै पालिका बीचको प्राकृतिक नाकाबन्दी तोडिएको छ ।

सुसम आदित्य विजय निर्माण सेवा उदयपुरले २०८० वैशाख ११ गते पुल निर्माणको ठेक्का लिएको थियो । पुल निर्माण सम्पन्न भइसक्दा अन्तिम भुक्तानी भने ८ करोड २१ लाख ७२ हजार ८९४ रुपैयाँ भएको मन्त्रालयले जनाएको छ ।

४१.४० मिटर लामो उक्त पुल ८.४० मिटर चौडा छ । दुवैतर्फ फुटपाथ १.२० मिटर छ ।