बागमती सरकारले दोलखाको डाङडुङे डाँडालाई फिल्म सिटीको रुपमा विकास गर्ने

News Summary

Generated by OK AI. Editorially reviewed.

बागमती प्रदेश सरकारले दोलखाको डाङडुङे डाँडालाई फिल्म सिटीको रुपमा विकास गर्ने घोषणा गरेको छ।
प्रदेश प्रमुख दीपकप्रसाद देवकोटाले आगामी आर्थिक वर्षको नीति कार्यक्रम प्रस्तुत गर्दै उक्त निर्णय बताए।
यसअघि संघीय सरकारले पनि दोलखाको उक्त ठाउँलाई चलचित्र नगरी बनाउने बजेट विनियोजन गरेको थियो।

काठमाडौं । बागमती सरकारले पर्यटकीय क्षेत्र दोलखाको डाङडुङे डाँडालाई फिल्म सिटीको रुपमा विकास गर्ने भएको छ । बागमती प्रदेश सरकारको आगामी आर्थिक वर्ष २०८२/०८३ को नीति कार्यक्रम प्रस्तुत गर्दै प्रदेश प्रमुख दीपकप्रसाद देवकोटाले उक्त कुराको घोषणा गरे ।

प्रदेशका मौलिकता एवं सांस्कृतिक विविधता झल्काउने चलचित्रको निर्माणमा प्रोत्साहन गर्ने जनाउँदै उनले दोलखाको उक्त थलोलाई फिल्म सिटीको रुपमा विकास गर्ने बताएका हुन् ।

प्रदेशभित्र रहेका प्रमुख पर्यटकीय गन्तव्यको प्रवर्धन गर्न स्वदेश तथा विदेशमा रहेका पर्यटनसँग सम्बन्धित चर्चित कन्टेन्ट क्रिएटर, भ्लगरलाई परिचालन गर्ने नीति लिइने उल्लेख छ ।

यसअघिका संघीय सरकारले बजेटमार्फत दोलखाको डाङडुङे डाँडालाई चलचित्र नगरीको रुपमा स्थापना गर्ने भन्दै बजेट विनियोजन गर्दै आएका थिए । दोलखाको उक्त ठाउँमा फिल्म सिटी बन्ने कुरामा चलचित्रकर्मीकै दुईथरी मत आइरहँदा बागमती सरकारले भने नीति कार्यक्रममार्फत फिल्म सिटी बनाउने घोषणा गरेको हो ।