‘जन्ते बाख्रो’लाई डेढसय भन्दा धेरै शो

News Summary

Generated by OK AI. Editorially reviewed.

फिल्म ‘जन्ते बाख्रो’ले देशब्यापी १५० भन्दा बढी शो प्राप्त गरेको छ।
सुनुवार निर्देशित फिल्मले ग्रामीण युवकको कथा प्रस्तुत गर्दछ र उत्साहजनक प्रतिक्रिया पाएको छ।
फिल्मले नेपाल र अन्तर्राष्ट्रिय बजारमा प्रदर्शन गर्न लागेको छ।

काठमाडौं । शुक्रबारदेखि प्रदर्शन तयारीमा रहेको फिल्म ‘जन्ते बाख्रो’ले देशब्यापी डेढसय भन्दा धेरै शो प्राप्त गरेको छ ।

देशभरका मल्टिप्लेक्सदेखि एकल पर्दाका हलले सिमोस सुनुवार निर्देशित फिल्मलाई उत्साहजनक शो प्रदान गरेका छन् । क्यूएफएक्सले आफ्नो चेनमा ३७ शो दिएको छ ।

दोस्रो ठूलो चेन आईएनआई सिनेमाजले १२ शो दिएको छ । वान सिनेमाजले ७ शो, एफक्युब सिनेमाजले २ शो, बिग मूभिजले २ शो, बीएसआर मुभिजले २ शो गरी देशभर करिब १ सय ५० बढि शोसहित प्रदर्शनमा आउँदैछ ।

केन्द्रीय चलचित्र जाँच समितिबाट युनिभर्सल सर्टिफिकेट पाएको फिल्मले प्रिमियरबाट उत्साहजनक प्रतिक्रिया प्राप्त गरेको छ । फिल्मले योग्य वधु पाउन एक ग्रामीण युवकले गर्नुपरेको सकसको कथा भन्छ ।

फिल्ममा सौगात मल्ल, गरिमा शर्मा, आशिफ शाह, रमा थपलिया, लोकेन्द्र लेखक, कमल देवकोटा, विशाल पहाडी, रुषा न्यौपाने, कुसुम शर्मा, स्नेहा जोशी, समापिका गौतम, कुशल गजमेर लगायतको अभिनय छ ।

मुईन इन्टरटेनमेन्टको प्रस्तुति रहने ‘जन्ते बाख्रो’ सामाजिक कमेडी कथावस्तुमा निर्माण भएको छ । प्रदीप भारद्धाजको पटकथा र संवाद रहेको फिल्मको निर्माता सन्तोष गौतम हुन् ।

यो फिल्म शुक्रबारदेखि नेपालसहित विभिन्न अन्तर्राष्ट्रिय बजारमा समेत प्रदर्शनमा आउँदैछ ।