शिथिल अर्थतन्त्र सुधार्न दत्तचित्त भएर लाग्ने गभर्नर पौडेलको प्रतिबद्धता

News Summary

Generated by OK AI. Editorially reviewed.

राज्य व्यवस्था तथा सुशासन समितिका सभापति रामहरि खतिवडा र नेपाल राष्ट्र बैंकका गभर्नर विश्वानाथ पौडेलबीच भेटवार्ता भएको छ।
भेटवार्तामा समसामयिक अर्थतन्त्रको अवस्था लगायतबारेमा छलफल भएको छ ।

२७ जेठ, काठमाडौं । राज्य व्यवस्था तथा सुशासन समितिका सभापति रामहरि खतिवडा र नेपाल राष्ट्र बैंकका गभर्नर विश्वानाथ पौडेलबीच मंगलबार भेटवार्ता भएको छ ।

समसामयिक अर्थतन्त्रको अवस्था बारेमा छलफल हुनुका साथै शुभकामना आदानप्रदानका लागि गभर्नर पौडेलसँग भेटवार्ता भएको सभापति खतिवडाले जानकारी दिए ।

नेपाल राष्ट्र बैंकमा भएको भेटवार्तामा सभापति खतिवडाले गभर्नर पौडेलसँग नेपालको अर्थ व्यवस्था चलायमान बनाउन सक्रिय भूमिका निर्वाह गर्ने अपेक्षा रहेको बताए ।

अर्थतन्त्रमा नकारात्मक असर पर्ने गतिविधिबाट राष्ट्र बैंक सधैं सजग रहने विश्वाससहित गभर्नर पौडेलको कार्यकाल सफल रहोस् भनी सभापति खतिवडाले शुभकामना दिए ।

गभर्नर पौडेलले शिथिल अर्थतन्त्रलाई सुधार गर्न सरकारले आफूलाई जिम्मेवारी दिएकोले त्यसमा दत्तचित्त भएर लागेको बताए ।