इजरायल–इरान तनावले जी–सेभेन बैठक प्रभावित, ट्रम्प ह्वाइटहाउस फर्किए

News Summary

Generated by OK AI. Editorially reviewed.

इजरायल–इरान युद्धको असर जी–सेभेन बैठकमा परेको छ।
अमेरिका फर्किएका राष्ट्रपति डोनाल्ड ट्रम्पले इरानलाई परमाणु सम्झौतामा हस्ताक्षर गर्न आग्रह गरे।
बैठकको पहिलो दिन सात सदस्य राष्ट्रले युद्धविरामको प्रस्ताव ल्याउने प्रयास गरे, तर ट्रम्पले संयुक्त वक्तव्यमा हस्ताक्षर गरेनन्।

३ असार, काठमाडौं । इजरायल–इरानको युद्धको असर जी–सेभेन बैठकमा पनि परेको छ । अमेरिकाका राष्ट्रपति डोनाल्ड ट्रम्प क्यानडाको कानानास्किसमा आयोजित बैठक छाडेर अमेरिका फर्किएका छन् ।

ह्वाइटहाउसले मिडिल इस्टमा तनाव जारी रहेकाले ट्रम्प फर्किएको जनाएको छ । तर ह्वाइटहाउसले इजरायल र इरानको नाम भने लिएको छैन ।

यसबीच ट्रम्पले सोशल मिडिया एक्समा लेखेका छन्, ‘इरानले परमाणु सम्झौतामा हस्ताक्षर गर्नुपर्छ । इरान न्युक्लियर हतियार राख्न सक्दैन । मैले यो पटक–पटक भनेको छु ।’

जी–सेभेन बैठकको पहिलो दिन सबै सात सदस्य राष्ट्रले इजरायल–इरान युद्धविराममा साझा धारणा बनाउने प्रस्ताव लैजाने कोसिस भएको थियो । तर ट्रम्पले जी–सेभेनको संयुक्त वक्तव्यमा हस्ताक्षर गर्न नमानेको अन्तर्राष्ट्रिय सञ्चारमाध्यमहरुले जनाएका छन् ।