सरकारी उद्योग घाटामा जानुको कारणबारे प्रधानमन्त्रीसँग जवाफ माग

News Summary

Generated by OK AI. Editorially reviewed.

आम जनता पार्टीका अध्यक्ष प्रभु साहले सरकारी उद्योग घाटामा जानुका कारण माग गरे।
उनले सरकारी उद्योग घाटामा र निजी उद्योग फस्टाउने अवस्थाको विरोधाभास देखाउँदै प्रधानमन्त्रीलाई जवाफ मागेका हुन्।
यदि सरकारले त्यस्ता उद्योग नाफामा ल्याउन सक्दैन भने राजीनामा दिन वा कर लिने काम बन्द गर्न उनको सुझाव छ।

काठमाडौं, ६ असार । आम जनता पार्टी (आजपा)का अध्यक्ष प्रभु साहले सरकारी उद्योग घाटामा जानुको कारण माग गरेका छन् ।

सरकारी उद्योग घाटामा जाने अवस्था बनाउने अनि निजी उद्योगसँग कर लिने नीति विरोधाभासपूर्ण रहेको भन्दै उनले प्रधानमन्त्रीसँग जवाफ मागेका हुन् ।

‘सरकारी उद्योगहरू घाटामा छ । सरकारी ट्रेन घाटामा छ, प्लेन घाटामा छ’, शुक्रबार प्रतिनिधिसभाको बैठकमा बोल्दै उनले भने ।

देशमा ब्यापक लुट रहेको तथ्य देखाउने उदाहरण सरकारी उद्योग घाटामा जाने र निजी उद्योग फस्टाउने रहेको उल्लेख गर्दै उनले प्रधानमन्त्रीले जिम्मेवार भएर जवाफ दिनुपर्ने माग गरे ।

‘सरकारी उद्योगको घाटाको चित्त बुझ्दो जवाफ दिनुस् । लुट होइन, कुशासन होइन, सुशासन हो भने परिणाम के हो ?’ प्रधानमन्त्रीलाई साहको प्रश्न छ ।

यदि चित्त बुझ्दो जवाफ दिन सकिँदैन र सरकारी उद्योगलाई नाफामा लैजान सकिँदैन भनेर रेस्ट लिन (राजीनामा दिन) प्रधानमन्त्रीलाई उनको सुझाव छ । ‘यदि तपाईं सक्नुहुन्न भने जनतासँग कर लिने काम बन्द गर्नुस् वा तपाईं रेस्ट लिनुस् भनेर आग्रह गर्न चाहन्छु ।’