ग्वार्कोको जस्ता फ्लाइओभर र ओभरपास अरू ठाउँमा पनि बन्छन् : प्रधानमन्त्री

News Summary

Generated by OK AI. Editorially reviewed.

प्रधानमन्त्री केपी शर्मा ओलीले ग्वार्कोमा उद्घाटन भएको ओभरपास जस्ता संरचनाहरू देशका अन्य भागमा पनि बनाउने घोषणा गरे।
उहाँले ट्राफिक जाम अन्त्य गर्न र देशको पूर्व-पश्चिम राजमार्ग विस्तार गर्ने प्रयास भइरहेको बताए।
प्रधानमन्त्री ओलीले देशको विकास बहुआयामिक रुपमा भइरहेको र केही व्यक्तिहरूलाई चिन्ता भए पनि विकास जारी रहने बताए।

६ असार, काठमाडौं । प्रधानमन्त्री केपी शर्मा ओलीले ग्वार्कोमा शुक्रबार उद्घाटन गरिएजस्ता ओभरपास उपत्यकाका अन्य ठाउँमा पनि बनाउने घोषणा गरेका छन् ।

शुक्रबार ग्वार्कोमा बनेको ओभरपास उद्घाटन पछि आयोजित कार्यक्रमलाई सम्बोधन गर्ने क्रममा उनले यस्तो बताएका हुन् ।

‘सामान्य रुपमा होइन देशले गति लिन लागेको रुपमा हामीले हेरेका छौं,’ प्रधानमन्त्री ओलीले भने, ‘चक्रपथ विस्तार गर्ने कुरामा पनि हामी लागेका छौं । यस्तै फ्लाइओभर र ओभरपास अन्य ठाउँमा बनाइन्छ ।’

उनले सरकारले ट्राफिक जाम अन्त्य गर्ने कोसिस गरिरहेको पनि सम्बोधनको क्रममा भने ।

‘देश विकासको बाटोमा कसरी अघि बढ्दैछ भन्ने जनताले देखिरहनुभएको छ,’ प्रधानमन्त्री ओलीले भने, ‘एशियाली स्टान्डर्डमा पूर्व पश्चिम राजमार्ग अघि बढाउने कुरा भएको छ ।
बहुआगामीक ढंगले चौतर्फी रुपमा देशको विकास गर्दैछौं ।’

उनले सरकारले एउटामात्रै क्षेत्रमा नभइ देशका अनेकन क्षेत्रमा विकासका कामहरू गरिरहेको दाबी पनि गरे ।

‘केही केही मान्छेलाई देश विकास भयो भन्ने चिन्ता छ,’ प्रधानमन्त्री ओलीले भने, ‘देश विकास हुँदैछ । हुन्छ ।’