News Summary
Generated by OK AI. Editorially reviewed.- नेकपा एमालेका सांसद पदम गिरीले प्रहरीलाई स्वतन्त्र अपराध अनुसन्धान र शान्ति सुरक्षा कायम गर्न राजनीतिक वातावरण आवश्यक भएको बताए।
- उनी भन्छन्, ‘उन्मुक्त वातावरणमा स्वतन्त्र ढंगले अपराध अनुसन्धान गर्ने र शान्ति सुरक्षा कायम गर्ने कुरामा केन्द्रित भएर लाग्नका निम्ति हामीले राजनीतिक तहबाट जस्तो खालको वातावरण दिनुपर्दथ्यो।’
- गिरीले प्रहरी संगठनलाई राजनीतिक प्रभावबाट मुक्त गर्न र दक्ष जनशक्ति, स्रोतसाधनको व्यवस्था गर्न आवश्यक रहेको बताए।
११ असार, काठमाडौं । नेकपा एमालेका सांसद पदम गिरीले उन्मुक्त वातावरणमा स्वतन्त्र ढंगले अपराध अनुसन्धान गर्ने र शान्ति सुरक्षा कायम गर्ने कुरामा प्रहरीलाई केन्द्रित गराउन आवश्यक रहेको बताएका छन् । यस्तो वातावरण राजनीतिक तहबाटै दिन नसकिएको उनको भनाइ छ ।
बुधबार प्रतिनिधि सभा अन्तर्गतको राज्य व्यवस्था तथा सुशासन समितिको बैठकमा बोल्दै उनले यस्तो बताएका हुन् । उनी भन्छन्, ‘उन्मुक्त वातावरणमा स्वतन्त्र ढंगले अपराध अनुसन्धान गर्ने र शान्ति सुरक्षा कायम गर्ने कुरामा केन्द्रित भएर लाग्नका निम्ति हामीले राजनीतिक तहबाट जस्तो खालको वातावरण दिनुपर्दथ्यो । त्यो हामीले दिन सकेका छौं भन्ने लाग्दैन ।’
प्रहरी राजनीतिको प्रत्यक्ष प्रभावभित्र रहने अवस्थामा रहेको उनको भनाइ छ ।
‘राजनीतिको प्रत्यक्ष प्रभावभित्र प्रहरी संगठन रहने, राजनीतिक दाउपेचको कोपभाजनमा पहिला कोही पर्यो भने प्रहरीहरू पर्ने । यसले वास्तवमा अपराध अनुसन्धान गर्नेदेखि लिएर शान्ति सुरक्षा कायम गर्ने कुरामा वाधा उत्पन्न गर्ने गरेका विगतमा अनुभवहरू छन्,’ गिरीले भने ।
अब बन्ने प्रहरी ऐनले जुनसुकै तहबाट बढुवाका लागि नेताहरूको घरदैलो धाउनुपर्ने अवस्थाको अन्त्य गर्नुपर्ने उनले बताए । अन्यथा, प्रहरी संगठन राजनीतिको प्रभावमा परिरहने उनको भनाइ छ ।
प्रहरीमा दक्ष जनशक्ति, विषयविज्ञ सहितको जनशक्तिको लागि आवश्यक स्रोत र साधनको उपलब्धता हुनुपर्ने पनि उनले बताए ।
शासन व्यवस्थामा भएको परिवर्तनसँगै प्रहरीले काम गर्ने शैलीमा समेत परिवर्तन हुन आवश्यक रहेको उनको आग्रह छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4