News Summary
Generated by OK AI. Editorially reviewed.- वाणिज्य विभागले ३ उद्योग तथा फर्मलाई ४ लाख ९५ हजार रुपैयाँ जरिबाना तिराएको छ ।
- ती कम्पनीहरूले मूल्यसूची, दर्ता प्रमाणपत्र, एमआरपी, रिलेबलिङ र गुणस्तर हेरफेर गरेको पाइएपछि जरिबाना लगाइएको हो।
- विभागले बजार पारदर्शी बनाउन र उपभोक्तालाई ठगिनबाट जोगाउन अनुगमन तीव्र बनाएको जनाएको छ।
१९ असार, काठमाडौं । वाणिज्य, आपूर्ति तथा उपभोक्ता संरक्षण विभागले मंगलबार ३ उद्योग तथा फर्मलाई ४ लाख ९५ हजार रुपैयाँ जरिबाना तिराएको छ ।
विभागको अनुगमन टोलीले नियमित अनुगमन अन्तर्गत बिहीबार १६ वटा फर्म तथा उद्योग अनुगमन गरेको थियो ।
अनुगमनका क्रममा ललितपुर महानगरपालिकामा रहेको एसएस ओभरसिजलाई २ लाख ५ हजार, काठमाडौं महानगरपालिका–११ को म्याजेस्टिक कलर्स सिभिललाई २ लाख र मध्यपुर थिमि नगरपालिका–२ को क्षमादेवी बिल्डिङ मेटरियल्स प्रालिलाई ९० हजार रुपैयाँ जरिबाना तिराएको हो ।
ती ३ कम्पनीले आफ्ना उत्पादनमा मूल्यसूची र दर्ता प्रमाणपत्र नराखेको, एमआरपी नराखेको, रिलेबलिङ गरेको, गुणस्तर, परिमाण, मूल्य र नापतौलमा हेरफेर गरेको पाइएपछि जरिबाना तिराइएको विभागले जानकारी दिएको छ ।
यस्तै विभागले आज बिहीबार अनुगमन गरेकामध्ये ४ उद्योग तथा फर्मलाई ३ दिनभित्र व्यवसायसँग सम्बन्धित कागजात लिई विभागमा उपस्थित हुन र ४ उद्योगलाई सामान्य निर्देशन दिएको छ ।
पछिल्लो समय विभागले बजार पारदर्शी बनाउन र उपभोक्तालाई ठगिनबाट जोगाउन एमआरपी सहितको लेबलले महत्त्वपूर्ण भूमिका खेल्ने भन्दै बजार अनुगमन तीव्र बनाएको छ ।
अनुगमनमा विभागले दैनिक रूपमा एमआरपी लेबल नलगाउने र आफ्ना उत्पादनमा रिलेबलिङ गर्ने, गुणस्तर, परिमाण, मूल्य र नापतौलमा हेरफेर गर्ने उद्योगी–व्यवसायीलाई २ लाखदेखि ३ लाख रुपैयाँसम्म जरिबाना तिराउँदै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4