वैदेशिक रोजगारमा रहेकालाई आईपीओ भर्ने अवधि घटाइयो

News Summary

Generated by OK AI. Editorially reviewed.

नेपाल धितोपत्र बोर्डले आईपीओ आवेदन अवधि १५ दिनबाट ४ कार्यदिनमा घटाएको छ।
यदि ४ कार्यदिनभित्र आईपीओ बिक्री पूरा नभए, म्याद १५ दिनसम्म कायम रहनेछ।
सर्वसाधारण समूहमा जारी सेयरमा १० प्रतिशत कोटा वैदेशिक रोजगारमा रहेकालाई छुट्याइनेछ।

२३ असार, काठमाडौं । वैदेशिक रोजगारमा रहेकालाई आईपीओ भर्ने अवधि छोट्याइएको छ ।

नेपाल धितोपत्र बोर्डले धितोपत्र निष्कासन तथा बाँडफाँट (नवौं संशोधन) निर्देशिका २०८२ लागू गर्दै अवधि घटाएको हो । यसअघि वैदेशिक रोजगारमा रहेकालाई आईपीओमा आवेदन दिने अवधि कम्तीमा १५ दिन कायम गरिएकोमा त्यसलाई घटाएर ४ कार्यदिनमा झारिएको हो ।

यदि ४ कार्यदिनभित्र सम्पूर्ण रुपमा आईपीओ बिक्री नभएमा भने उक्त समयावधि खुल्ला भएको मितिले १५ दिनसम्म कायम रहने व्यवस्था गरिएको छ ।

यसअघि वैदेशिक रोजगारमा रहेकालाई छुट्याइने आईपीओ दुई दिनमै सबै बिक्री भए पनि १५ दिनसम्म आवेदनको म्याद रहने गरेको थियो । तर अब ४ दिनमा सबै बिक्री भएमा १५ दिनको म्याद नरहने बोर्डका प्रवक्ता निरञ्जय घिमिरेले जानकारी दिए ।

सर्वसाधारण समूहमा जारी हुने सेयरमा १० प्रतिशत सेयर वैदेशिक रोजगारमा रहेकालाई कोटा छुट्याइँदै आएको छ ।