रजनीकान्तको ‘कुली यसवर्षकै बहुप्रतीक्षित भारतीय फिल्म, हेर्नुस टपटेन आइएमडीबी सूची

News Summary

Generated by OK AI. Editorially reviewed.

आइएमडीबीले जुलाईदेखि डिसेम्बर २०२५ सम्मका शीर्ष १० भारतीय फिल्मको सूची सार्वजनिक गरेको छ।
सूचीको शीर्षस्थानमा आमिर खान, रजनीकान्त र नागार्जुना अक्किनेनी अभिनित 'कूली' रहेको छ।
सूचीमा ऋतिक रोशन अभिनित 'वार २', प्रभास स्टारर 'द राजा साब', र आलिया भट्ट अभिनित 'अल्फा' पनि छन्।

काठमाडौं । विश्व फिल्मको चर्चित डेटाबेस वेबसाइट ‘आइएमडीबी’ले जुलाईदेखि डिसेम्बर २०२५ सम्मका बहुप्रतीक्षित शीर्ष १० भारतीय फिल्मको सूची सार्वजनिक गरेको छ ।

सूचीको शीर्षस्थानमा आमिर खान, रजनीकान्त र नागार्जुना अक्किनेनीको अभिनय रहेको ‘कूली’ छ । लोकेश कानगराज निर्देशित फिल्मले बाल्यकालदेखि नै बदला लिनको लागि संघर्षरत एक पात्रको कथा भन्छ ।

सूचीको दोस्रो स्थानमा ऋतिक रोशन, जुनियर एनटीआर र कियारा आडवाणी अभिनित एक्सन थ्रीलर ‘वार २’ छ ।

तेस्रो स्थानमा प्रभास स्टारर ‘द राजा साब’ छ । चौंथोमा शान्या कपुर र विक्रान्त मेस्सीको फिल्म ‘आँखो कि गुस्ताकियाँ’ छ ।

पाँचौमा मोहित सुरी निर्देशित ‘सैयारा’ छ भने छैटौंमा टाइगर श्राफको ‘बागी ४’ छ । सातौं स्थानमा अजय देवगणको ‘सन अफ सरदार’, आठौंमा मोहनलाल र माल्भिका मोहननको फिल्म ‘हृदयपूर्वम’को छ ।

नवौंमा आश्विन कुमार निर्देशित ‘महावतार नरसिंहा’ छ भने दशौंमा आलिया भट्ट अभिनित ‘अल्फा’ छ ।

फ्यानको पेज भिजिटको आधारमा आइएमडीबीले वर्षेनी लोकप्रिय र प्रतीक्षित फिल्मको सूची सार्वजनिक गर्छ ।