हुम्लाको सिमकोट विमानस्थलमा एकै दिन १६४ उडान–अवतरण

२८ असार, हुम्ला । सिमकोट विमानस्थल चलायमान भएको छ । शुत्रबारमात्रै विमानस्थलमा १६४ उडान-अवतरण भएको छ ।

कोरोना महामारीपछि सुनसानजस्तै देखिने विमानस्थलमा शुत्रबार मात्रै १६४ फ्लाइट मुभमेन्ट भएको सिमकोट नागरिक उडडयन कार्यालय हुम्लाले जनाएको छ ।

नेपालगञ्जबाट ३२ फ्लाइट टेकअफ र ल्यान्डिङ गरी ६४ र  सिमकोट विमानस्थलबाट हिल्सा नाकामा हेलिकप्टरको ५० फ्लाइट टेकअप र ल्यान्डिङ गरी १६४ फ्लाइट मुभमेन्ट भएको सिमकोट नागरिक उडडयन कार्यालयका प्रमुख महेन्द्रबहादुर सिहंले जानकारी दिए ।

उत्तरी हिल्सा नाका खुलेपछि भारतीय तीर्थयात्रीहरु मनसरोवर कैलाश दर्शन गर्न आउने भक्तालु आउन थालेपछि सिमकोट विमानस्थल व्यस्त हुने गरेको प्रमुख सिहंले बताए ।

शुत्रबार सीता एयरले १० वटा फ्लाइट, तारा एयरको ७ वटा र समिट एयरको १४ फ्लाइट र एक फ्लाइट नेपाल एयरलाइनले उडान भरेको उनले अनलाइनखबरसँग भने ।

सिमकोट विमानस्थलमा नेपालगञ्जबाट दुई वटा सीता एयरलाइन्सका जहाज, दुईवटा २ तारा एयरलाइन्स र ४ वटा समिट एयरलाइन्सले नियमित उडान भर्ने गरेको सिहंको भनाइ छ ।

सिमकोट विमानस्थलबाट हिल्सा नाकसम्म भारतीय तीर्थयात्री ओसारपोसारको लागि ५ वटा हेलिकप्टरले उडान भर्दै आएका छन ।

कोरोना महामारीपछिको यो नै धेरै उडान–अवतरण हो ।

१२७१ भारतीय तीर्थयात्रीले गरे मानसरोवर कैलाश दर्शन

०८१ साल चैत ४ गते देखि हालसम्म सिमकोट विमानस्थल हुदैँ चीनको कैलाश मानसरोवर दर्शन गर्न भारतीय तिर्थयात्रीको संख्या ह्वात्तैै बढेको छ ।

कोरोना महामारीले बन्द हिल्सा नाकामा अहिले चलपहल बढेको छ । हालसम्म ६२२ जना महिला र ६४९ जना पुरुष गरी १२७१ जना भारतीय तीर्थयात्रीहरुले चीनको कैलाश मानसरोवर दर्शन गरेका छन् ।

सिमकोट विमानस्थल सुरक्षा गार्डका अनुसार अन्य मुलुकबाट ७० जना महिला र ७९ जना पुरुष सिमकोट विमानस्थल भित्रिएको जनाएको छ ।

५ वटा हेलिकप्टर सिमकोट विमानस्थलमै

भारतीय तीर्थयात्रीहरुलाई सिमकोट विमानस्थलबाट हिल्सानाका हिल्सानकाबाट सिमकोट ओसार पोसार गर्न ५ वटा हेलिकप्टर रहेका छन ।

हालसम्म जम्मा ११८८ जना भारतीय र अन्य मुलुकका तीर्थयात्री हेलिकप्टरबाट आउजाउ गरेका छन् । जसमा ५५५ जना पुरुष र ५०५ जना महिला गरी १०६० जना भारतीय रहेका छन् भने अन्य मुलुकबाट ५६ जना पुरुष ७२ जना महिला रहेका छ ।
हाल सिमकोट विमानस्थलमा सिम्रिक एयरलाइन्स, प्रभु,माउन्टेन, कैलाश र फिस्टेल एयरको हेलिकप्टर रहेका छन् ।