१८ साउन, काठमाडौं । वन तथा वातावरण मन्त्रालयले सरकारसँग जमिन माग्नेको संख्या १५ लाख पुग्नसक्ने अनुमान रहेको बताएको छ । मन्त्रालयका सचिव केदारनाथ शर्माका अनुसार, जमिन मागेर निवेदन दिनेको संख्या निरन्तर बढिरहेको छ ।
भूमि समस्या समाधान आयोगले ३५ दिने सूचना निकालेर निवेदन मागेको छ । सूचनाको समय सकिएपछि यकिन तथ्यांक आउनेछ ।
आइतबार प्रतिनिधिसभा अन्तर्गतको कृषि, सहकारी तथा प्राकृतिक स्रोत समितिको बैठकमा वन मन्त्रालयका सचिव शर्माले यसबारे जानकारी गराएका हुन् ।
‘निवेदन दिनेको संख्या १५ लाख परिवार पुग्ने अनुमान गरिएको छ । तर यकिन तथ्यांक ३५ दिन कटेपछि मात्रै दिन सकिन्छ,’ उनले भने ।
उनका अनुसार गत शुक्रबारसम्म जमिन मागेर निवेदन दिनेहरूमा अव्यवस्थित बसोबासी परिवारको संख्या ८ लाख ७५ हजार ४१० रहेको छ । १ लाख ६८ हजार ८ सय ५ जना सुकुमबासी र ८९ हजार १ सय ८६ परिवार भूमिहीन दलित परिवार रहेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land on sale at Sanagaun")
प्रतिक्रिया 4