ग्लोबल आईएमई बैंकको नाफा बढ्यो, लाभांश क्षमता १४ प्रतिशत

News Summary

Generated by OK AI. Editorially reviewed.

ग्लोबल आईएमई बैंकले गत आर्थिक वर्षको चौथो त्रैमासिक वित्तीय विवरण सार्वजनिक गरेको छ।
बैंकको नाफा गत आर्थिक वर्ष ६ अर्ब २० करोड रुपैयाँ पुगेको छ, जुन अघिल्लो वर्षको ६ अर्ब १३ करोड रुपैयाँभन्दा बढी हो।
बैंकको कुल कर्जामा निष्क्रिय कर्जा ४.८७ प्रतिशत पुगेको छ, जुन अघिल्लो वर्षको ४.१७ प्रतिशतभन्दा बढेको छ।

२८ साउन, काठमाडौं । ग्लोबल आईएमई बैंकले गत आर्थिक वर्षको चौथो त्रैमासिक वित्तीय विवरण सार्वजनिक गरेको छ । सार्वजनिक वित्तीय विवरण अनुसार गत आर्थिक वर्षमा बैंकको खुद नाफा ६ अर्ब २० करोड रुपैयाँ छ । अघिल्लो आर्थिक वर्ष यस्तो नाफा ६ अर्ब १३ करोड रुपैयाँ थियो ।

खुद ब्याज आम्दानी सामान्य घटेको छ । यस्तो आम्दानी अघिल्लो आर्थिक वर्ष १६ अर्ब ८५ करोड रुपैयाँ रहेकोमा गत आर्थिक वर्ष १६ अर्ब ७१ करोड रुपैयाँ छ ।

बैंकको लोन लस प्रोभिजन (इम्पेरिमेन्ट चार्ज) बढेको छ । यस्तो रकम अघिल्लो अर्थिक वर्षको अन्त्यमा ३ अर्ब ६१ करोड रुपैयाँ रहेकोमा गत आर्थिक वर्ष अन्त्यमा ४ अर्ब ३० करोड पुगेको छ ।

बैंकको प्रतिसेयर आम्दानी सामान्य घटेको छ । वार्षिक प्रतिसेयर आम्दानी पहिले १६.९९ रुपैयाँ रहेकोमा अहिले १६.२८ रुपैयाँ छ । कुल कर्जामा निष्क्रिय कर्जा केही बढेको छ । अघिल्लो आर्थिक वर्षको अन्त्यमा कुल कर्जामा निष्क्रिय कर्जाको अंश ४.१७ प्रतिशत रहेकोमा गत असार मसान्तसम्म आउँदा ४.८७ प्रतिशत पुगेको छ ।

बैंकको वितरणयोग्य नाफा ५ अर्ब ३७ करोड रुपैयाँ छ । प्रतिसेयर वितरणयोग्य नाफा १४ रुपैयाँ ११ पैसा हो । प्रतिसेयर नेटवर्थ १७७ रुपैयाँ रहेको बैंकको हाल बजार मूल्य जम्मा २५४ रुपैयाँ छ ।