दीपक-दीपाले १५ अमेरिकी सहरमा ‘छक्कापञ्जा कमेडी टूर’ गर्ने

News Summary

Generated by OK AI. Editorially reviewed.

दीपकराज गिरी, दीपाश्री निरौला, जितु नेपाल लगायत कलाकारले दशैंमा अमेरिका हुँदै 'छक्कापञ्जा कमेडी टूर'मा सहभागी हुने भएका छन्।
दीपकराजले १५ वर्षपछि अमेरिका जान लागेका हुन् र सेप्टेम्बरदेखि अक्टोबरसम्म १५ अमेरिकी सहरमा टूर हुने जनाएका छन्।
टूरमा प्रहसन, गायन लगायतका प्रस्तुति हुनेछन् र टूरपछि दीपकराज केही फिल्मको छायांकनमा व्यस्त हुनेछन्।

काठमाडौं । दीपकराज गिरी, दीपाश्री निरौला, जितु नेपाल लगायतका कलाकार दशैं छेकोमा अमेरिकामा आयोजना हुने ‘छक्कापञ्जा कमेडी टूर’मा सहभागी हुने भएका छन् ।

दीपकराजले शुक्रबार टूरको औपचारिक घोषणा गरेका छन् । १५ वर्षपछि दीपक अमेरिका जान लागेका हुन् । केही दिनअघि दीपकको भिसा आइसकेपछि टूरले औपचारिकता पाएको हो ।

सेप्टेम्बरदेखि अक्टोबर महिनासम्म हुने टूरमा दीपक-दीपालाई मुन्द्रेसहित आसिफ शाह, धर्मेन्द्र सेवान र मीना पोखरेलले साथ दिनेछन् । न्यूयोर्क, बाल्टिमोर, टेक्साससहितका १५ अमेरिकी सहरमा ‘छक्कापञ्जा कमेडी टूर’ हुने दीपकले जनाए ।

‘यो दशैंमा हाम्रो फिल्म छैन । एक किसिमले कार्यक्रमसँगै रिफ्रेस पनि हुनेछ’ दीपकले भने ।

टूरमा प्रहसन, गायन लगायतका प्रस्तुति हुने जनाइएको छ । टूरको आयोजना आत्रेय प्रोडक्सन र ग्लोबल इभेन्ट्सले गरेका हुन् ।

अमेरिका टूरबाट फर्किएपछि दीपक केही फिल्मको छायांकनमा ब्यस्त हुनेछन् । यद्यपि, कुन फिल्मको छायांकन हुन्छ भन्ने यकिन भैसकेको छैन ।