विमानस्थलदेखि होटलसम्म पर्यटकलाई सटल बस सेवा (तस्वीरहरू)

News Summary

Generated by OK AI. Editorially reviewed.

नेपाल पर्यटन बोर्डले निजी क्षेत्रसँगको समन्वयमा त्रिभुवन अन्तर्राष्ट्रिय विमानस्थलदेखि विभिन्न होटलसम्म सटल बस सेवा सञ्चालन गरेको छ।
सटल बस सेवा तीन रुटमा सञ्चालन हुँदैछ, जसमा विमानस्थल–सुन्धारा–दरबारमार्ग–ठमेल–होटल शंकर र अन्य समावेश छन्।
नेपाली सेना र अध्यागमन विभागसँग समन्वय गरी आन्तरिक तथा अन्तर्राष्ट्रिय यात्रुका लागि सेवा उपलब्ध गराइएको बोर्डले जनाएको छ।

२६ भदौ, काठमाडौं । नेपाल आउने पर्यटक र नेपालबाट विदेशिने यात्रु लक्षित गरी त्रिभुवन अन्तर्राष्ट्रिय विमानस्थलदेखि विभिन्न होटलसम्म ‘सटल बस’ सेवा सञ्चालन गरिएको छ ।

निजी क्षेत्रसँगको समन्वयमा नेपाल पर्यटन बोर्डले यस्तो बस सेवा उपलब्ध गराएको हो । बोर्डका अनुसार विभिन्न तीन रुटमा यस्तो बसले सेवा दिइरहेको छ ।

पहिलो रुट विमानस्थल–सुन्धारा–दरबारमार्ग–होटल याक एन्ड यती–ठमेल–लैनचौर–होटल शंकर–एम्बासडर होटल–विमानस्थल तोकिएको छ ।

दोस्रो रुट विमानस्थल–गौशाला–भगवतीबहाल–होटल हिल्टन–होटल मेरिअट–दरबारमार्ग–होटल र्‍याडिसन–होटल सांग्रिला–नारायण गोपाल चोक–होटल ह्यात रिजेन्सी–चाबहिल चोक–द्वारिकाज होटल–विमानस्थल हुने गरी तोकिएको छ ।

त्यस्तै तेस्रो रुट विमानस्थल–तीनकुने–होटल एभरेस्ट–माइतीघर–होटल हिमालया–होटल सोल्टी–होटल ग्रान्ड–विमानस्थल हुँदै तोकिएको बोर्डले जनाएको छ ।

यस्ता बसमा विमानस्थल जानुपर्ने र फर्कने आन्तरिक यात्रुले समेत सेवा लिन सक्ने बोर्डले जनाएको छ । यस कार्यमा नेपाली सेना र अध्यागमन विभागसँग समेत समन्वय गरिएको बोर्डको भनाइ छ । आजबाट आन्तरिक तथा अन्तर्राष्ट्रिय उडान नियमित भएका छन् ।