उपत्यकामा रोकिएका यात्रु पठाएपछि मात्रै दशैंको अग्रिम टिकट बुकिङ

News Summary

Generated by OK AI. Editorially reviewed.

यातायात व्यवस्था विभागका महानिर्देशकको संयोजकत्वमा यातायात व्यवस्थापनका लागि उच्चस्तरीय समिति गठन गरिएको छ।
समितिमा प्रहरी र व्यवसायीसमेत रहने गरी दशैंका लागि अग्रिम टिकट बुकिङबारे सोमबार पुनः छलफल गर्ने निर्णय भएको छ।
आजको बैठकले ट्राफिक प्रहरीले आवश्यक पर्ने सामग्री भौतिक मन्त्रालय र सडक सुरक्षा परिषद्बाट उपलब्ध गराउने निर्णय गरेको छ।

२९ भदौ, काठमाडौं । यातायात क्षेत्रसँग सम्बन्धित सरोकारवाला समेटेर उच्चस्तरीय यातायात व्यवस्थापन समिति गठन भएको छ ।

आइतबार भौतिक पूर्वाधार तथा यातायात मन्त्रालयका सचिव सहित सरोकारवाला र याताायात व्यवसायी बीचको बैठकले यस्तो निर्णय गरेको हो ।

नेपाल यातायात व्यवसाय राष्ट्रिय महासंघका वरिष्ठ उपाध्यक्ष सरोज सिटौलाका अनुसार आजको बैठकले दशैंका लागि अग्रिम टिकट बुकिङ खोल्ने निर्णय भने गरेन । यसबारे सोमबार पुनः यातायात व्यवस्था विभागसहितका सरोकारवालासँग छलफल हुनेछ ।

पहिलो प्राथमिकता यो एक साता काठमाडौंमा रोकिएका यात्रुलाई काठमाडौं बाहिर सुरक्षित रूपमा पठाउने कामलाई दिने भन्ने कुरा भयो,’ उनले भने, ‘त्यसपछि अग्रिम टिकट बुकिङ खुलाउने कुरा भएको छ ।’

वर्तमान परिस्थिति एवं चाडपर्वको समयमा यात्रुको यात्रा सुरक्षित र सहज बनाउन एवं प्राप्त गुनासो तत्काल सम्बोधन गरी यातायात व्यवस्थापन गर्न यातायात व्यवस्था विभागका महानिर्देशकको संयोजकत्वमा समिति गठन गरिएको छ ।

समितिमा प्रहरी र व्यवसायीसमेत रहने गरी तोकिएको छ । आजको बैठकले ट्राफिक प्रहरीलाई आवश्यक पर्ने सामग्री भौतिक मनत्रालय र सडक सुरक्षा परिषद्बाट उपलब्ध गराउने निर्णय भएको छ ।